كشتات ابومالكـ ..!

[ابومالك]

يستيقظ ابومالك كعادته (الجهمه) << الجهمـه يعنـي الفجريـه

ويجلس يتقلب على السرير لين جت الساعه عشر << والله من النشاط

الموووووهيـم

يوم صحصحـت وانا اروح اغسل عنـوني بس عيـوني << زي اليابانيين والله من البرد

وعلى البر وانا اشيل العزبه حسيتها خفيـفه بس مادققت والله وانا احطها بظهر الموتر (الجيب الكزس)

بس مرهمه كابرس 83 والله وانا ادق الموتر سلف كاا لعاده من اول دقـه سلف يقعد ثلاث ساعات ياالله يشتغل

المووووووهيم

وانا اكفخ للبر طريق الدمام يمدحـون الخضـار والي ماشافه احـد واروح واتكـي هنـاك واسحـب العزبه برضه حسيت انها خفيفه

ابي اظبط فنجال قهوه وبياله شاي ويوم فتحت العزبه والله وينصفق وجهـي من الي شفته باالعزبه

مالقيت غير فناجيل وكاسات وقدر وسكيـن << باالله كيـف اتقهوى

كل ماورد اعلاة لا يمت للموضوع بصله انما هي مقـدمه << يخرب بيت هيـك مقدمـات :192:

الموووووووهيـم

الموضوع وانا راجع من البر لفت انتباهي وقوع حادث طفيـف امام محطـه الروضان (طريق القيصومه)

الحادث لأحـد الجاليه العربيه مصري الجنسيه انقلبت به سياره العمل اثر انفجار احد الاطارات الاماميه ؟؟

هـذا الحادث يثير بعض التساؤلات اهمها

نؤمن باا لقدر وبما حكم به جل في علاة ولكن للاسبـاب دور رئيسي في ماحدث ..!

ياترى هل كان لصاحب العمل دوراًفي اهمال سيارة العمل مما تسبب في انفجار الاطار ؟

ام هـو نشـاط عمال النظافه في ترك كل ماهو خطر على شوارعنا ؟؟

ام هـو غشـامه اخـونا السـواق ..!

وهـذه عـده صـور للحـادث






على فكرة عمر الشئـي بئــي

المصـري لله الحمد خرج سـالم من الحـادث

تقبلـو ودي وتقـديري ،،

[الفارس]

الاخ العزيز : ابومااااااااالك

في اسلوبك نكهة خاااااااصة ومميز تطرب ناظرى إطروحاتك ومشاركاتك


ذكرتني ... بالكابرس طيب الذكر..!!
دائمأ له مواقف واعتقد من الصعوبة بعد هذه العلاقة الحميمه بينكما
ستكون وفيا معه ..!! >>> يعني ووش تبيه يسوى يحنطه ..!!!هههههههههه


نرجع لموضوعك ..
الصيانة ضروريه للسياره وللطريق معآ

للاسف يهمل ارباب العمل الاهتمام بصيانة مركبات عمالتهم وهي مصدر للرزق بتوفيق الله
والخوف من الله فيهم مطلب اساس
وتقدير الاعمال التى يقومون بها
حتى يكون الرزق يزداد والخير يكون فيه بكل حال



يعطيك العافيه

[عشقتهآ بسكآت]

سرد جميل ابو مالك ،،


راعي جهيمان ههههههه ،،



الحمد لله على سلامة الوافد العربي وهذا اهم شي ،،



لكن السرعه ثم السرعه هي السبب بالتأكيد اذا كان فعلا انفجار الاطار هو السبب ،



شكرا لك على الخبر الموثق ،

[ThePrince]

مالك يابوماليك ناسي العزبه...اي

انا لما كنيت شغال بالاف بي اي قبيل لا اتقاعد من السي اي اى

طلبوا مني اباشير الحاديس المزكور لكن للاسف كنيت كاشيت على طريق الكويت قبيل البيطحانية بشوي .. اي... واخد باليك معاي

ارسليو لي صور الحادس ولاحزت انوه الكفر الاحتياط سليم مانفجر... لكين السيارة مسرعة ومصدومه من ورا ...

ارسليت ملاحزاتي للاخوان بالمرور بس للحين ماردوا... داير يكونو هم كاشتين

[ابومالك]

الغالي / ابو فارس

مجرد إطلالك هنا ..

شرف لإخيك ..

شكراً لوقوفك هنا ..

كل الاحترام والشكر لرأيك وحضورك الذي يزين

متصفحي هكذا هم الكبااااار

يتواصلون بقلوبهم الطاهره

وتخجل كلماتنا امام شكرهم



والتميز هو توقيعك الجميل بمتصفحي ..

تقبل ودي وتقـديري ،،،

[hafartoon]

أبو مالك

بل عليك

لا عاد تمر بشارعنا تروح تتقلب سيارتنا

وليش ما عزمتن هاه

تيب


مسامح هالمره بث

[ابومالك]

اقتباس: المشاركة الأصلية كتبت بواسطة عشقتهآ بسكآت    سرد جميل ابو مالك ،، راعي جهيمان ههههههه ،، الحمد لله على سلامة الوافد العربي وهذا اهم شي ،، لكن السرعه ثم السرعه هي السبب بالتأكيد اذا كان فعلا انفجار الاطار هو السبب ، شكرا لك على الخبر الموثق ،

عشقتهآ بسكآت

العفـو يا الغلااا

ومشكـور على المرور الاكثر من رائـع وزي ماقلت السرعه هي السبب با لتأكيد

تقبل ودي وتقـديري ،،

[♥ כـِـِـِّلـِـِم ♥]

,
ابومــــــــالك
حوووووووووووووووووش جهميه
بالله اذا هاذي كشتاتك فكنا منها يا خــــــــــــوك تروع
او بعدين غــــــــــريبه المصري
يســـرع شكله طفشان من العمل او يبي يلحق يشوف مباريات كأس افريقيا
اللي انتهت ..!
على العمووووووووم الحمد لله على سلامة المصري .!
أسمع يا بومالك نبي شي يفتح النفس مو حادث ( الله يكفينا شر الحوادث )
الســررررعه مو زينه لاتسرعوون..!
تقبل مروري
,
الوافي للأبد
,
هجـ،ـ،ـ،ــ الليل ـ،ـ،ـ،ـاد

[ابومالك]

ThePrince

زول يازول .. ياحبـه بندووول

الله يعطيك الف عافية ،،، على تعبك من أجل إيضاح بعض الأفكار ،،،
وصياغتها بأسلوبك السهل الشيق ،،، لكي تعم الفائدة للجميع ،،،

تقبل ودي وتقـديري ،،

[E.Engineer]

شكرآ ابو مالك على الصور