لولا الخطايا ما مشينا على الصح-
ولـولا الـصـعـايب ماتبين الرجاجيل
*****
نـبـذه بسـيطـه كان بالوقت تسمح
اعـطـيك صوره من جميع التماثيل
*****
لا يـغـرك المـلـبـوس وإلا الـتــميلح-
الـحـر يـلـبـس بـرقـع وفـعـله يهيل-
*****
ودرب الـردى والـذل مافـيـه مربح-
مثل الـذي يزرع ولا من محاصيل
*****
تـرى الـلـيـالـي دفـتـر ولــه تصفح-
لو مات راع الطيب ذكره بكل جيل-
*****
وراع الـنمـيـمه والـكـبـر والـتـبطح-
مـايـنفـعك وقـت الشدايد ولا يشيل-
*****
اعـرف خـويـك قـبـل بـالـهـم تصبح-
واعرف ترى بالناس راساً وفيه ذيل-
*****
والـخـوه الـلـي يـنـوجد فيهم الشح-
جـنب قـبـل لا تـعـوق دربـك غــرابيل-
*****
وزلـت رفـيـقـك لـوتـجـي مــنه ادمح-
ولايـهـمـك بـقـولـة هل الــقال والقيل-
*****
وخـلــك عـلى الـعـليـا يـميـنـك تــلوح-
تـكـسـب بـهـا صـيـت بـليالي مقابيل-
*****
وترى التجارب تجعل الصوره اوضح-
جـرب وتـلـــقــى مـا خـفــتـه المـقاليـل-
العرض العادي
