يا الله صباح خير # 2

[hbcc]

مرحبا لكل اعضاء المنتدى

"اليوم حدث معي موقف غريب جدا جدا وموقف واقعي مش حلم تصدقون قابلت أحد الأصدقاء لي زمااااان عنه هلا وغلا فهد كيف حالك أخبارك .................؟الخ
"المهم سألته وينك وين دنياك وش مسوي قالي أبشرك تزوجت وصرت من أهل العوايل الحين قلت له مبروك من غير نفس
"لانه ما دعاني لحفل زواجه المهم أخذنا الكلام ومن ضمن ما تكلمنا عنه زوجته لأنها مدرسه قلت له زين وش سويت هاليومين ما هو ماشي غير سوق المدرسات قصدي في الزواج ؟؟؟؟؟؟؟؟؟
"قالي خلها علي ربك يا رجال والله لو أني باقي عزوبي كان افضل لي ..افا العلم يا خوي وش فيك قال والله ما جلست مع زوجتي الا21يوم بس ..(ول عليك خلاص كفاية 21 يوم )بس ليه طلقتها يا فهد حرام عليك ليه كذا ظلمت بنت الناس معاك قالي لايالووووح وش فيك أنت ما طلقتها بس أنت عارف أني موظف في الجنوب وهي جاء تعينها بالشرقية!!!!طيب يا فهد هي من أهل الشرقية قالي لا هي من الجنوب ومالها أحد في الشرقية اها اها الحين فهمت اجل هي من خريجات جامعه الشرقية أو كلياتها قالي لا؟؟؟؟
"هي من خريجات كليه التربية بالجنوب !!!والله المشكلة وش لون تصير هذي قالي مدري ياخوك؟؟؟
"طبعا في هالوقت طري علي بالي سعود واحد من الأصدقاء متزوج من وحده بالشرقية وهو من أهل الشرقية بس جاء تعيين زوجته في الباحة بالجنوب....؟؟؟
"قلت له وش رأيك عندي فكره!!!!قالي انكتم لا تكمل عرفتها
"هذا هو واقع حال مدرستنا وسياسة التعليم لدينا ما ادري متي بتتغير هذه النظرة ونتطور شوي اللي محيرني ومعقدني ليه مايتم تعيين كل بنت في منطقتها ولماذا هذا التفكير الرجعي والسياسة الظالمة التي يتبعها القائمون علي حقول التعليم.....................؟

""******

"دق جوالي صبيحة هذا اليوم 0(رقم غريب).الوووو طبعا أقولها بكل هدوووووء وروقان حركات الشباب يمكن يطلع لي صووت ناعم !!!هلا تطمنوا طلع رجال ؟؟؟نعم الاخلاق صارت تجاريه امر ومن معي قال انا فلا عرفته من يكون وش فيك قالي ابغي مساعدتك ؟؟قلتله ابشر باللي اقدر عليه وش عندك!!!
"قالي ياخوي أنا نويت اكمل نص ديني أتزوج ..شي جميل الله يوفقك ولما رحت وخطبت من فلان بنته فلانه ..(الدكتورة)..طيب وين المشكلة قال أبوها رافض يزوجها لي قلت ليه أنت ما شاء الله مافيه شي يعيبك ولا أزكيك علي الله ...قال سبب الرفض مش انا الشايب شابت اركانه رافض يزوجها ..قلت حرام عليه كذا ليه البنت عمرها الحين فووق الثلاثين حرام والله حرام قالي طيب ابغاك تروح معي يمه ونكلمه قلت ابشر بعزك بسوي اللي يقدرني اللله عليه رحنا لشايب وكلمناه تدرون وش سبب الرفض يقول انه صرف عليها كل هالسنين علشان توصل للي وصلته وفي الاخير يجي واحد ثاني وياخذها بارده مبرده ..(معصي)..طبعا يقصد راتبها قلت طيب الرجال يبغي يستر علي البنت ويكمل نص دينه وبنتك عمرها الحين فوق الثلاثين ما يجوز الكلام اللي قاعد تقوله طيب وش رايك يكتبلك في العقد ان الراتب لك جعلك ما تنهني فيه وافق يوم تطمن علي الراتب وانه له حسبنا الله ونعم الوكيل في هالزمن وش جري للناس ماعاد يهمهم الا مور الماديه؟
""***
""

[جفون]

ياسلام ياhbcc


جبتها صح الاولى تقصد فيها التعليم وحركه النقل اللي صايره باليومين زفت

والثانيه تقصد فيها الزراج وطمع الاباء برواتب بناتهم



بس تصدق جبتها بطريقه مبتكره وحلوه






[[[[[[ تكفى كثررررر منهن]]]]]]]



ولك التحيه والتقدير

[الرحال]

تحياتي لك اخوي الغالي

hbcc

موضوع جميل وفي محله ومعاناه اشتكت وانكوت من نارها الكثير من العائلات

ولكن للاسف يااخي رغم ان هذا الموضوع اخذ حقه من الاخذ والرد ولكن لا جواب

الموضوع الاول نشكيه الى الله ثم الى الحكومه متنين ان تكون هناك جلسه مفتوحه لمجلس الشورى لمناقشته

الموضوع الثاني هو موضوع اجتماعي ينبغي على ابناء البلد مجابتهته ونصح ما تسول له نفسه ان يعمل مع بنته مثل هذا الشايب

ولك جزيل احترامي وتقديري

[hbcc]

هلا و غلا بجفون

مشكلات النقل و التعيين لا تخفى على احد لكن هناك بعض المسؤولين يحاولون انهم يختزلون هالمشكله

و يقولون انن التعيين يصدر بناءا على حاجه المنطقه و هذا الكلام فيه جانب كبير من عدم الدقه و لكن الحل معروف

اذا معاك واسطه او طرف واسطه راح ينزل تعيينك بمدينتك و يمكن بحيكم بعد متجاهلين حاجات المنطقه

اما مشكله بعض الاباء و رواتب المعلمات فالحمدلله انها في اناس قلائل و لم تصبح الى الان ظاهره اجتماعيه في

المجتمع و هذي سببها ضعف الوازع الديني و الطمع فلو ان كل الاباء احصى ما دفع على بناته من ايام المهد الى

ان تتوظف و طالب بهذه المصاريف كان محد تزوج من الشباب

اخيرا شكرا لك جفون على مرورك العذب

[hbcc]

اهلين يا الرحال

يا الرحال خلنا نكون واقعيين , مجلس الشورى ماله اي صلاحيه ليلزم اي وزاره او الحكومه على قرار معين

فمجلس الشورى هو هيئه استشاريه للحكومه و لكن قراراته غير ملزمه بتاتا يعني بكيف الحكومه تاخذه او تطنشه

فكم صار له من تاسيسه مجلس الشورى في المملكه ؟

وش الفائده اللي حصلناه نحن عامه الشعب من المجلس و من قراراته فقرار تاسيسه هو( قرار سياسي و دبلوماسي)

اوجبته ظروف مرحله ما.

و مجلس الشورى يبي له موضوع لحاله .

و عاده اذا فيه مشكله اجتماعيه متفشيه في الدول ان الحل يجي من راس الهرم وليس من المنتصف ( اظن انك فاهم)

اما مشكله الاباء و رواتب بناتهم فهذي يبي له نصح و تفرد له خطب في صلوات الجمعه و انهم يناقشون المشكله

في برامج مباشره على التلفزيون و الراديو بوجود علماء و دعاه افاضل و علماء الاجتماع لعل و عسى انه تتقلص

هذه المشكله .

شكرا على الرحال

[تسواهن]

[ALIGN=CENTER]hbcc

تسلم على التقل الهادف

بس انا عندي حتى الحاله الاولى تهون عند الثانيه عل ىالاقل البنت بالاولي متوظفة ومتزوجه ومنستره عند زوجه بس يا حرام الحاله الثانيه ..


معقوله فيه احد باقي يفكر مثل الرجال ما يزوج بنته لاجل انه صرف عليه !! اجل كلنا نبي نبقى ببيوت اهلنا !!

حرام عليه !!
عطن رقمه وانا اتفاهم مع هالشيبه صدقن راح اقنعه

حرام والله كاسرتن خاطري البنت يويسي

.. الاتش بي سي تسلم على الموضوع بس من الصبح خليتن افكر بشكل محزن [/ALIGN]

[hbcc]

هلا بالغاليه تسواهن

انا اخالفك و اقول ان الثانيه اهون من الاولى قولي ليه ............ قلتي ايه ..............اقولك ليه

لان البنت جالسه عند اهلها معززه و مكرمه مع ان ابوها فيه شوي طمع لكن يكفي انها عند اهلها

اما في الحاله الاولى الله يعين البنت و الله يعين اهلها لان المعلمه اذا ما كنت متزوجه لازم ابوها او احد اخوانها

يروح معها و هذي بحد ذاتها مشكله فمن الممكن ان ابوها رجال كبير بالعمر او مريض او ان اخوانها صغار

و الواحد ما يتكل عليهم . اما اذا كانت متزوجه فالمشكله راح تتضاعف لان الزوج اكيد راح يكون موظف

و هذا يعني انه لازم يخلي امه او احد اخواته يروحن مع الزوجه و اذا ما قدر راح يحاول باهل البنت علشان

احد اخوانها يروح . واذا حصل و راحت الزوجه راح يصبر الزوج فتره لكن للصبر حدود و ما راح يكون فيه

استقرار يعني راح تبدا المشاكل ..........

تسواهن انا ودي اني اعطيك رقم الرجال علشان تقنعينه لكن و الله اني راحمه معه ضغط و سكري و بعد تجي

تسواهن تسولف معه ( بالاصح تهاوشه ) الرجل اكيد راح ينشل او سكته قلبيه

شكرا على مرورك العذب

[تسواهن]

[ALIGN=CENTER]

لا ابد انت بس عطن عنوانه وما عليك !!

وبعدين مثل هذي النوعيه من الرجال اللي حاكرن على بنته علشان انه اصرف عليه المفروض ما نخاف على مشاعره ابد وبعدين

تعا ل













تعال





















شلون تقول خايفن عليه من يرتفع السكر عنده والا سكته قلبيه

وهو اصلا ما عنده قلب !!!





الاتش بي سي تعطيني اياه والا اجي الحين ادق باب بيتكم [/ALIGN]

[hbcc]

تسواهن

دونك رقم الشايب و قكينا لا تجيني بالبيت و تطقين الباب

هذا الرقم طبعا بعد زياده 5 لان الشايب عنده واسطه بالاتصالات لكن تقدرين تتصلين ؟

0555555555