اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > أخبار الشعر بالإعلام ولقاءات الشعراء

أخبار الشعر بالإعلام ولقاءات الشعراء كل ما يتعلق بقضايا الشعر بالإعلام المرئي والمقروء ولقاءات حصرية مع بعض الشعراء

 
 
أدوات الموضوع انواع عرض الموضوع
قديم 23-08-08, 03:24 AM   رقم المشاركة : 1
سندرلا الحفر
شاعره
الملف الشخصي






 
الحالة
سندرلا الحفر غير متواجد حالياً

 


 

exll محاوره الشاعر سلطان المطرفي والشاعره سندرلا

السلام عليكم ورحمه الله

هذه خلاصه المحاوره بيني وبين الشاعر سلطان المطرفي ولا يهونون الشعار الذي جاريتهم في موضوع دعوه لكل شاعر وشاعره

وهم الشاعر مرشد حمد الفياض والشاعر فواز الهاملي (النبراس) اضافه الى مشاركات قليله مع غيور على ديرتي ونديم السهر وشاركنا الشاعر الجزل
مشعل الشوق وغيرهم من الاسماء المشرفه

جرت محاوره ساخنه بيني وبين سلطان وسبب هذه المحاوره ابغي اقولكم بس القصه خياليه وطريفه

هو زواج اخوي الوافي عندما اصر ان يقيم حفل زواجه بالبر ودعانا الى تشريف زواجه ومتكلف المسكين ماجر ابيوت شعر اكبار وعلى عمد والفرش والزلول والدنيا والذبايح والقهوه وكل اهل الحفر

جايين ومشاء الله عليه مايبي يزف باالفنادق ماجر لنفسه خيمه بس غيور على ديرتي ابلشه يويق عليه

ياالله بدت المحاوره

سندرلا
[عجز فكري ولا ادري كيف اعبر ***عجز من شاعر(ن)للاسم ثبت

كسير(ن)خاطري سلطان جبر *** هبايب روح في جسمي وهبت


سلطان

على الاقلام بالنيه تخبر *** وتشكر بنت (ن)بطيبه تربت

وشعري لونظمته مايعبر***على بعض المعاني وان تخبت


سندرلا

غلاكم بالحشى يكبر ويكبر *** فضحني القلم والنفس خبت

مرير الصبرياقمت التصبر *** بلا عيب (ن) فكل الناس حبت


سلطان

مثل طفل (ن) تبسم ثم تعبر *** يوم (ن) الدله انتثرت وصبت

حملها ثم تعبر ثم تصبر *** ويدينه من النيران شبت


سندرلا قافيه جديده

الحديد عن الحديد فك الحاما *** والحديد يذوب من شعلة حطب

حدنا الموضوع ولا نرخي اللثاما*** والسكوت يقال عنه من ذهب


سلطان المطرفي

الذهب غالي وحنا بالحطاما *** واشتريه اليوم لو وضعي عطب

كحل عيونك ورخي لي للثاما *** وانتقاضا عند فكاك النشب


سلطان وقافيه جديده
احذرتضن الشعر واحذر تضنه *** احذرتضنه سابقات (ن)لولوجي

الشعرعلم وكل علم (ن) وفنه *** تبادل (ن) للعلم مابه فجوجي

عطني علوم وكل سن (ن) بسنه *** عطني لو انه من علوم الجلوجي


سندرلا الحفر

كلن يقول القاف من غير منه *** ويلج في صدري حرف (ن)لجوجي

ويبيح في خط القلم ما اكنه *** ابهربه من كان علمه جلوجي

ميدان خيل بلا قيد واعنه *** ركابها مطنوخ وعقله رجوجي


سلطان المطرفي

كان البني رجن رجل ثم خذنه *** ماني وخو نوره شبيه العلوجي

وكان الهجوم لهدم قلبي تشنه *** قوات قلبي في دفاعه تهوجي

تقلب هجوم بدون تدميرظنه *** وقلبي سجين (ن) بين سود الدروجي


سندرلا الحفر

كلن يلاعب مايناسب سنه *** وكلن نظر في حجه المحجوجي

البيض لولو بالبحر مكتنه *** كم من غريق (ن) بسبه المدعوجي

كم واحد (ن) عن شغلته يلهنه *** ويصبح هزيلا ناحل (ن) يروجي


سلطان المطرفي

مدعوجك الي تذكره مااقنه *** ولا كل من ينظم قوافي زعوجي

ننظم قوافينا طرب نستسنه *** وماكل من رام التوجد سهوجي

نبدع سبب ماهمنا من خذنه *** من جاه من يده عساه محروجي


سندرلا الحفر

قلبك صخر ياصاحبي وشكنه *** قلب الصخر ماياخذ المدعوجي

ولي خلا ياصحبة (ن)به منه *** ماحب من يكسر ضلوع (ن) عوجي

لولا الكرامه صاحبي وشحنه *** دروب الصحاري واسعات فجوجي


سلطان المطرفي

لو جوي نياق الضمايا وردنه *** ترجع ضمايا لو تحن الخلوجي

والصحبه الي باالخلا مستكته *** اخيرمن ترتيب قاف (ن) لجوجي


بعدها تهاوشنا وحجزنا عبادي صريح

سندرلاالحفر

عقب النقطاعه يرجع المي للقاع *** ونشرب من الميه غدير(ن) زلالي

اخير من مي (ن) شربناه من ساع *** مر (ن) خذا من مر من الزين خالي



سلطان المطرفي

حاولت اللين راسي اليوم ماطاع *** عيا يذوق المر من بعد حالي

ذود الفكر عيا على كل مرتاع *** مايارد الا بالفياض الجزالي


وقافيه جديده سلطان المطرفي

تفكيري ابداعي على صف الاذهان *** خلو فكرك من شرود الزماني

منها نتيجه معركه حرب الاحزان *** تحسم براحة بال عبر المعاني


سندرلا الحفر

شري على القيفان مبدع وطربان *** اسوقها سوق الزمل للاماني

وابدع الياشفت القلم خط سلطان *** صفقلي الجمهورباحساس ثاني



سلطان المطرفي

حطيت لك بالقلب يابنت نيشان *** حب (ن) يجي لله صافي هناني

ماهو غرام (ن)خالطه كل شيطان *** ماتدفن النيات بين المعاني



سندرلا الحفر

وحيات من انشاء من السحب غدران *** اني احبك يارفيع المعاني

ياللعن ابو حب (ن) يخالطه بهتان *** سلطان اخوي وعزتي بالاخواني







التوقيع :

قديم 23-08-08, 05:44 PM   رقم المشاركة : 2
سلطان المطرفي
عضو برونزي
الملف الشخصي






 
الحالة
سلطان المطرفي غير متواجد حالياً

 


 

رد: مجارات الشاعر سلطان المطرفي والشاعره سندرلا

يعطيك العافيه اختي سندرلا


بس الله يهداك مغيره بنص الرديات وحاذفه على كيفك


اشكرك على مجهودك







التوقيع :




قديم 23-08-08, 05:46 PM   رقم المشاركة : 3
سلطان المطرفي
عضو برونزي
الملف الشخصي






 
الحالة
سلطان المطرفي غير متواجد حالياً

 


 

رد: مجارات الشاعر سلطان المطرفي والشاعره سندرلا

نسيت اقول لك


تفكير ابداعي على عصف الاذهان


التفكير الأبداعي والعصف الذهني : هي تفريغ العقل من التفكير بأي شي غير الشي المطلوب منه

ويستخدم بكثره عند خبراء المبيعات والمصممين الأعلانيين وغيرهم








قديم 23-08-08, 05:53 PM   رقم المشاركة : 4
سندرلا الحفر
شاعره
الملف الشخصي






 
الحالة
سندرلا الحفر غير متواجد حالياً

 


 

رد: مجارات الشاعر سلطان المطرفي والشاعره سندرلا

ماغيرت بالرديات كان خطاء بالاملاء والله مادري حذفت الي يكدر خاطرك وخاطر غيرك

واسفه اذا اخطيت والله حسبتكم تستانسون

اخي الشاعر سلطان صدقت في كلامك راجعت لقيتني مخطيه في ابياتك خطى املائي تم التعديل







قديم 23-08-08, 05:57 PM   رقم المشاركة : 5
سلطان المطرفي
عضو برونزي
الملف الشخصي






 
الحالة
سلطان المطرفي غير متواجد حالياً

 


 

رد: مجارات الشاعر سلطان المطرفي والشاعره سندرلا

ماني متضايق

بالعكس اعجبني نشاطك ومجهودك

المقصد ان اغلب التغيير غير اوزان ومعاني



المهم فدا راسك راس مالها قصايد لسعت الصدر







قديم 23-08-08, 06:11 PM   رقم المشاركة : 6
الفارس
المشرف العام
الملف الشخصي






 
الحالة
الفارس غير متواجد حالياً

 


 

رد: مجارات الشاعر سلطان المطرفي والشاعره سندرلا




الاحبه شعراء المنتدى والحفر


نشاطكم محل تقديروإعجاااااااب الجميع وبالذات إدارة المنتدى ..!

نفخر بوجود قمم الشعر الجزل والمعانى الساميه والأخوة المزروعه بين حناياكم

وفقكم الله ..









التوقيع :

قديم 23-08-08, 06:23 PM   رقم المشاركة : 7
سلطان المطرفي
عضو برونزي
الملف الشخصي






 
الحالة
سلطان المطرفي غير متواجد حالياً

 


 

رد: مجارات الشاعر سلطان المطرفي والشاعره سندرلا



اختي سندرلا لاتعدلين شي ولاتتعبين نفسك

الدعوا سهالات وراسك سالم


الموضوع موجود والكل متابع له وان كان حصل فيه خمول بالفتره الأخيره ويرجع السبب لأختلاف مواعيد تواجد شعرائنا الأعزاء

واكرر شكري على موضوعك الرائع ( دعوه لكل شاعر وشاعره)

الي حرك القسم بكامله وعطاه صيت مع انه قسم شامخ من منتدى شامخ من الاساس








قديم 23-08-08, 06:26 PM   رقم المشاركة : 8
ولـــد ســـدير
عضو نشط
الملف الشخصي






 
الحالة
ولـــد ســـدير غير متواجد حالياً

 


 

رد: مجارات الشاعر سلطان المطرفي والشاعره سندرلا

صحت السنتكم جميع وشد حيلكم ودي اطب معكم بس خايف !!!

اغصبني وتغيصب ههههههههههه

سندرلا وسلطان وفواز الهاملي والفياض ومشعل مبدعين كلكم

وصرراحة خليتونا نركز خيامنا بالقسم ذا ..







التوقيع :


قديم 23-08-08, 06:28 PM   رقم المشاركة : 9
سلطان المطرفي
عضو برونزي
الملف الشخصي






 
الحالة
سلطان المطرفي غير متواجد حالياً

 


 

رد: مجارات الشاعر سلطان المطرفي والشاعره سندرلا

حياكم الله على القهوه بموضوع دعوه لكل شاعر وشاعره



انا معزب فاغر الظاهر


احس اني تركت الدله على النار وجيت


يالله قدامي ياولد سدير انت وسندرلا نبي نوسع صدورنا شوي







قديم 24-08-08, 10:21 AM   رقم المشاركة : 10
النبـــــراس
كاتب
الملف الشخصي







 
الحالة
النبـــــراس غير متواجد حالياً

 


 

رد: مجارات الشاعر سلطان المطرفي والشاعره سندرلا

صح لسان أخوي الشاعر : ( سلطان المطرفي )

وصح لساااانك أختي الشاعرة : ( سندريلا )


جميلة هذه المودة ..

وجميلٌ هذا الفيض من قلوبكم العذبة ..

لكما خالص الودة والتقدير







 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:38 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم