اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > مشــــاعر الــــروح > القصائد المنقولة والمسموعة

القصائد المنقولة والمسموعة خاص بالقصائد المنقولة والمسموعة والتي اعجبت ناقلها

إضافة رد
 
أدوات الموضوع انواع عرض الموضوع
قديم 02-09-13, 03:34 PM   رقم المشاركة : 1
مطلق بن تركي
عضو فضي
الملف الشخصي







 
الحالة
مطلق بن تركي غير متواجد حالياً

 


 

قصيده للشاعر حسن بن محمد مخراز الوسيدي الحربي

(راع العلوم الطيبه ينعناله)
يا راكب ن بنز ن جديد ن موديله
توه جديد موردته الوكاله
من وارد اﻻلمان ما دار ويله
وﻻ دار بين محرجين الدﻻله
اللون أسود والمراتب ظليله
واليا مشى كنه يسابق ظﻻله
ممشاه عدل ن ما تعثر بميله
يقطع فيافي نجدها مع اسهاله
عليه شغموم ن علومه جميله
يطرب لها راع الوفا والشكاله
سواق فني ما ندور بديله
وايضا مع التوفيق راعي ادﻻله
مشى صباح وقبل حزة مقيله
الفا على الطيب وحياه فاله
الفا على شيخ ن بديرة جبيله
ما هي بشيخة من شراها بماله
متوارثه يوم المشايخ قليله
بالسيف اﻻملح ما كسبها سهاله
في مجلسه تبرى جروح ن عليله
لو كان همه فوق عالي جباله
نفوس ن خفيفه ما تشوف الثقيله
متوحده بالراي في كل حاله
هذاك (ابن حماد) راع الطويله
ونعمين في راع الكرم والكماله
أخ عزيز ن ما ندور بديله
وراع الفعول الطيبه ينعاله
كل يحبه ومن الموده يجيله
محبة في الله عالي جﻻله
القلب صافي خالي ن من غليله
والعقل وافي ما يعرف الجهاله
يفداه خبل ن بيد التاس حيله
يركض ورا الدنيا وحاله سفاله
جماع طماع ن ونفسه بخيله
ومن زود بخله ما توقي نعاله
عند المجالس دوم يومي شليله
وامه وابوه لياطلبته ارياله
وجته المنيه وحان موعد رحيله
وماله تقاسموه الداشرين الحثاله
الطيب يبقى والليالي كفيله
وراع الردى ذكراه تكرم زباله
والعاقل المعروف عقله دليله
والمشكله باللي يقوده هباله
والصدق للرجال أفضل وسيله
والكذب للرجال أسوأ اخصاله
وراع النمايم والحسد ﻻتجيله
جوه ملوث وان حرص في سؤاله
مسموم والمسموم ما فيه حيله
والكي ما يكفي وﻻهو دواله
وراع المصالح دايم ن فيه عيله
يركض ورا الحاجه ويطلب نواله
واليا قضاها شفت منه الفشيله
ناكر جميل وﻻ يعرف الجماله
واليا بغيته راغ بأية وسيله
كانك تقول مشاركه في حﻻله
وسرك بقلبك دايم الوقت شيله
وان ضاق به صدرك ترى الغير قاله
واﻻدمي لو عاش سنين ن طويله
تطوى كما طي الرشا للمحاله
والعمر يفنى والبقا في حصيله
وﻻ خير في عمر ن اختامه ضﻻله
واختامها بالمسك مع سلسبيله
صلوا على المبعوث بافضل رساله
( حسن الوسيدي الحربي)







رد مع اقتباس
قديم 02-09-13, 06:46 PM   رقم المشاركة : 2
الفارس
المشرف العام
الملف الشخصي






 
الحالة
الفارس غير متواجد حالياً

 


 

رد: قصيده للشاعر حسن بن محمد مخراز الوسيدي الحربي


صح لسانك ولسان شاعرها

والنعم بالممدوح ويستاهل راعي العلم الغانم







التوقيع :

رد مع اقتباس
قديم 06-09-13, 10:08 PM   رقم المشاركة : 3
الباهره
عضو نشط
الملف الشخصي






 
الحالة
الباهره غير متواجد حالياً

 


 

رد: قصيده للشاعر حسن بن محمد مخراز الوسيدي الحربي

ابيات نصيه جميله سطرت بين حرووفها

اروع المعاني واجمل المفردات

سلمت







رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:37 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم