قصيدة ابن شرار

[مروض الشعار]

كريم يا مزن ٍ سراء تالي الليـل
اليا شافه المشحان يقعـد يخيلـه
خيل خياله يـوم جالـه هماليـل
وترعد رعوده بالمـزون الثقيلـه
كل ٍ حلف ما شاف مثله ولا قيـل
وكل ٍ اليـا شافـه يفكـر يهيلـه
اضفى على الصمان قد ٍ بتنزيـل
والسيل عن دربه تعـدى مسيلـه
ومن غب سيله أخضراً الهذاليـل
وتعاقب النوار من عقـب سيلـه
نبته شقارى وخالطه ربل وكحيل
ويعجبك فالحاجر نبات الكحيلـه
اليا شافه الطارش نوى يمه يحيل
والي بعيد ٍ عنـه يبـاء يعنيلـه
عقب الخلا والقفر جابه تنازيـل
ولطف الحشاء شفناء تخابط نزيله
يا مرحبنبك يالغضي نافل الجيـل
قليل في شكله نفـر كـل جيلـه
ظافي هدب رمشه بعينه مظاليـل
على رمامينـه هدبهـاء ضليلـه
بنت الرجال الي تنومس مشاكيل
وإن جاء نهار الكون تحمي الدبيله

لشيخ هلال بن شرار الميموني

[ريم النواااظر]

؛

قصيده جزله لشاعر جزل
ابدع في معانيها...
صح لسان شاعرها
وسلمت يمناك اخوي/
مروووض الشعار
:
تنقل لقسم القصائد المنقوله




ِ