أنا أدري عنك يا قلب عنيد وقاسي الأطباع
وأدري بعد ما ترضى تعيش الـذل بنواعه
رجـيـتك لا تـزيـد الـهـم كفـاية جملـة الأوجـاع
كـفـايـة خـلـنـي أحـيـا بـراحة لو ربع ساعه
مدام إني معك صادق كفاية لا تكون طماع
ولا تكذب على نفسك تـقـول النفس طماعه
شريت ارضاك ياقلبي وغيري كـم شراك وباع
كفايـة وش تـبي باللي تنـاسى حبك وباعه
وشلّي تطـلـبـه آمر أنـا عـنـد الطلب منصاع
ولـو حتـى عـلى راسي فداك السمع والطاعه
أنا وطيت لك راسي وعـمـري ما لـفـيت القاع
كـبـيـر ورغـمـ نزواتك لثّمت لعينك القاعه
ولو إن أهل المثل قالوا لا تأمن ضحكة الخداع
وقـلب بـاع نبضـاتـه لـراحـة بنت خداعه
تـجـاهـلت الـمـثل وأهله وجرح مابرى لـلساع
ولا ظنه بعد يبرى ما دامك سبّه أوجاعه
حسافة منك يا قـلبـي تـرد الصاع غير الـصـاع
خـذلـك إللي توليته ونبضك كسر أضلاعه
خذلك إللي اشبع قهرك وياليـتـه قبل ما جاع
تـذكـر من جـعـل منـك لهـالأخطاء شماعه
يعلق كل أخـطـائـه على نبضك وعلى الأطباع
مـع إنـك دايـم أرقـى من أفـكاره وأطباعه
الـشــاعر // فيصل المريسي ..
قلباً باع نبضاته
العرض العادي
