محبـــ أحزانـي ــــره

[نورة 14]

محبرة أحــــزانــــــــــي


رسمت الحلم بعيون الامل في محبرة احـزان
وغيري يرسم البسمة علـى حلمـة وامالـه


اعيش الواقع احلام وأسى مع لوعة الحرمان
شربت اللي شربته من هموم الوقـت فنجالـه


الا ياصمت لاتحكي وبوحك زعزع الكتمـان
كتاب ٍ ينقري صدري ليا من صـرت بقبالـه


تشوف الضيم بسطورة وتلخيص الاسى عنوان
بدى يظهر على عيني وتبرز معظـم اشكالـه


حياتي كلها غربـة لوانـي معظـم الاحيـان
احس ان الوطن عايش يسار القلـب وشمالـه


دوى من كان متغرب اذا ما عـاد للاوطـان
يطيب وينتهي كربـه ويمسـي رايـق ٍ بالـه


وانا لي ديرة ولكن عقـب ماكانـت البستـان
اكلها النار ورياح الزمـان اللـي تقفـا لـه



الا يالله يالوالـي تهـل بهالـوطـن هـتـان
صدوق المزن ياربي يطفـي لوعـة اشعالـة


والا يالله يالوالـي تبـدل هالرمـاد اغصـان
قدير قـادرا ً ربـي تغيّـر جملـة احوالـة



انا والليل واحساسـي ولدنـا كلنـا إخـوان
ولايمكـن يفرقنـا ياكـود الصبـح باإقبالـه

[ناجي الحفراااوي]

اقتباس: والا يالله يالوالـي تبـدل هالرمـاد اغصـان قدير قـادرا ً ربـي تغيّـر جملـة احوالـة انا والليل واحساسـي ولدنـا كلنـا إخـوان ولايمكـن يفرقنـا ياكـود الصبـح باإقبالـه

صح لسانك نوره 14

ولسان شاعرها

قصيده تبين الوحده والاسى الذي يمر فيه الشاعر

شكراً على النقل..

[نورة 14]

اقتباس: المشاركة الأصلية كتبت بواسطة ناجي الحفراااوي    صح لسانك نوره 14 ولسان شاعرها قصيده تبين الوحده والاسى الذي يمر فيه الشاعر شكراً على النقل..

صح بدنك ناجي

شرفني تواجدك ومرورك العطر