[align=center]السلام عليكم ورحمة الله وبركاته
اعجبتني هالقصيدة وحبيت انقلها لكم
0
0
على طار الغياب اللي يجي فجئة بدون اسبـاب
قضيـت البارحـه ليـلٍ ظـلام ولابـدا نـوره
فتح هجرك على كل المواجع في خفوقـي بـاب
وغصن الوصل هب ابه الخريف وطارت طيوره
ولا ودي بقولـة فيـك ظنـي ياحبيبـي خـاب
حشمتك عن ظنون الشك لو النفـس مقهـوره
وقمت اشعب هجوس الفكر فاللي غايب وما غاب
ولاحصلـت غيـرك يبتـدي ماينتـهـي دوره
واخذت احكيك قصة موجعه واسهر لك الاهـداب
على ذكراك جريت القصيد وشاشـت شطـوره
ذكرتك يوم قلت القلب من نبع الغـلا مـا تـاب
وصدقتك قبل شعبـان وانتـه خنـت فافطـوره
بعدها خاطري من كل فرحة فـي حياتـي طـاب
مدام ان الوفـا والصـدق والاحـلام مكسـوره
ولاني داخلٍ مع من هويته في جـدل وحسـاب
ابعلن بانـي المهـزوم فـي حكمـه ودستـوره
وابرحل معي طعنة روح ..وحكاية ألم.. واتعاب
وذكرى محزنة..وجروح وسط الصدر منثـوره
وابابعد ماطلبتك حق والا ارسلـت لـك بعتـاب
وابترك باقي الاشواق فـي هالصـدر مقبـوره
وابا اخفي دمع عيني كل ما مريـت بالاصحـاب
لاجل مايعرفون انك من اهـل الغـدر والبـوره
وابا اعتبر الفرح والبسمه العذبه من الاغـراب
وابرسم ضحكة من غير نفس تزيّـن الصـوره
وابا ابطي ما التفـتّ ادور الخـلان والاحبـاب
ما دام الجرح في عمق الحشا باسباب دكتـوره
ابا انهي ليلي الموجع واسجل رحلتـي فاكتـاب
واقول ان الليالـي علمتنـي درس ..مشكـوره
0
وسلامتكم[/align]