مسيتو بالخير
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
يا هجوس الشعر يا لحن القصيـد
=عبّري وابكتب احسـاس الشعـور
والبسي بشت ٍ على الثوب الجديـد
=واصبغي لون الذهب بين السطـور
مع حروف الشعر غنـي بالنشيـد
=واكتبي من فكر يسبـح فالبحـور
اكتبي شعري ولك حـس ورصيـد
=عن كسوف الشمس عن لحد القبور
عن ذبول الورد عن نزف الوريـد
=عن سراب اللال عن كـذب ٍ وزور
عن طبوع الناس من جـد وحفيـد
=عن وروث الشرمن ُصلب الظهـور
والوراثـه فالـحـرار وفالعبـيـد
=ينتقل طبع البشر خيـر وشـرور
لـو نهجّنهـا بـقـرم ٍ ماتفـيـد
=طبعها مـا يختلـف دايـم تبـور
كل شجـره سرّهـا عـرق ٍ بعيـد
=كل نبت ٍ لـه ثمـار ولـه بـذور
مثل طعـم الحنظلـه مـر ٍ شديـد
=مرّها موروث من وسـط الجـذور
تسطع القمرى على سفـح الجليـد
=ثمْ يبين الغّل من وسـط الصـدور
كبـرت البلـوى وكثّـرت النهيـد
=يوم شفت الناس في ظلم ٍ وجـور
احذر اللي به نفـاق ولـك يكيـد
=واترك اللي به عيوب وبه قصـور
واحذر الجسّاس واعرف وش يريد
=لا يغرّك لـو يلـف ولـو يـدور
خمّن المجهـول والفكـره تصيـد
=خل فكرك مثـل جسـر ٍ للعبـور
وان طغى حظ الشقا سيفـه حديـد
=يكسر الخاطر ويهدم لـك قصـور
يفسد افعالك ولـو شـورك سديـد
=يكسر احساس المعّـزه والغـرور
يا زمان الظلم ظلمـك لـي يزيـد
=اجرنا محسوب في يـوم النشـور
كل حي ٍ لـه رقيـب ولـه عتيـد
=والله اللي يجزي القلـب الصبـور
فالحيـاه اللـي يطيـع الله سعيـد
=والتعيس اللي قضى عمره فجـور
يا هجوس الشعر يا لحن القصيـد
=عبّري وبكتب احسـاس الشعـور[/poem]