لعنبو قصه غرام كلها كلمتين
ابتدينا عند ( أحبك ) وانتهينا عند ( باي )
تونا ما مشينا في الهوى ولو خطوتين
وانتهى الموضوع كله حتى ما عرفت وش خطاي...
وانتهت قصة حياتي بكل سهوله
يمكن انك ما وفيت يوم جيت تعشق
ويمكن انك تحسب اني بتبعك من دون راي!
ويمكن اصلاً ما عشقت بس كنت تلعب!
ويمكن انك ما وصلت في هواك مستواي!
ويمكن اني ما عرفتك
في الحقيقه وش تبي!
ويمكن اني خنت نفسي...يوم اعطيتك وفاي!
علمني في الهوى يا جاهل وش تعرف؟!
علمني في العطاء والتضحيه وش تفهم؟!
لعنبو حب عشانك بعت أقرب اقرباي!
كنت احطك في عيوني تسرح وتمرح
كنت أشيل هموم قلبك وارمي همومي وراي
كنت اطير من السعاده يوم أشوفك تضحك
كنت ذايب في هواك مثل سكر وسط ماي
كنت نايم في العسل وارسم من الفرحه سنين
كنت اظنك قلب عاشق ما سكن وسطه سواي
ما وعيت الا و انت في خفوقي تطعن
ما وعيت الا وسيفك بالحشا...
رايح وجاي
كل شي فيني جريح الا فخامة كبرياي
ما تأثرت بغيابك....
وش تعني ......؟؟
بكره انسى...
صدقني....
وارجع بكامل قواي
ادري ان حنا افترقنا بس ابفهم حاجتين
علمني وش كسبت؟؟؟
وعلمني وش خطاي؟؟؟
أصلاً الموضوع كله ما تعدى كلمتين
التقينا عند (احبك) وافترقنا عند (باي)
لعنبو قصه غرام كلها كلمتين
ابتدينا عند ( أحبك ) وانتهينا عند ( باي )