[align=center]
بقول لكم القصة من اولها : انا الحين اخذ دورة انجليزي في واحد من هالمعاهد ومعاي بنت ما على لسانها الا حقوق المرأة وكيف الحريم هنا مالهم حقوق في التعليم نفس الشباب و ليش ما في محاميات وليش ما نقدر نصير اللي احنا نتمناه و فرص العمل للشباب اكثر واللي رفع ضغطي انها قالت لي انتي بس تتخرجين بتجلسين في البيت ما راح تشتغلين بس لانك حرمة
واختنا في الله تبي تصير سياسية عشان تروح وتاخذ حقوقها من الرجال .ومو عاجبها المثل اللي يقول وراء كل رجل عظيم امرأه تقول ليه دايما نصير وراهم ؟؟؟ ( سؤال يطرح نفسه )
وتقول كلام كثير يسئ لسمعتنا مثلا تمدح برواية بنات الرياض تقول ادري انها كلام فاضي بس لو واحد بره السعودية قراها بياخذ فكرة احسن عن الحريم اللي هنا ( ايش هالتناقض العجيب ) ؟؟؟؟
وتفتي بالدين على كيفها مثلا تقول ان الحرمة اذا ما عندها استعداد ومالها خلق انها تقوم بشغل البيت او ترضع البيبي , زوجها اذا كان يقدر يجيب لها شغالة ووحدة ترضع البيبي الشرع يلزمة انه يجيب ودخلت بحكم تغطية الوجه وووووووو الخ
المصيبة ان هالكلام ينقال قدام وحدة اجنبية توها جاية السعودية صار لها بس 4 شهور .. يعني هذه ايش راح تكون فكرتها عننا ؟؟؟
وانا ما قدرت اسكت لها والله امس شوي ونتكافخ انا وياها واللي فقع مرارتي واللي من صدق خلاني احط عليها 19 الف اكس انها قالت لي ان مخي مغسول . بغيت اكفخها بشنطتي على رأسها بس الاستاذة غيرت الموضوع ولا كان راحت في خبر كان .
السؤال هو : اذا واجهتوا ناس من هذه الفئة كيف راح تتعاملون معاهم؟؟؟؟
اختي تقول طنشيها ولا كأنك تسمعينها . كيف اطنشها وهي تقول عنا مثل هالكلام ؟؟
هل انتوا راح تطنشون ولا بتردون على الكلمة بعشرة ؟
منقول ( لتحليل من قبل الاخوات العضوات خاصة وعامة للجميع الاعضاء للمشاركة في مثل هذهـ الظاهرهـ أو القضية ) ....
إجمل التحايا ،،،
م
ط
ن
و
خ[/align]