بالنسبه لما ذكرت من مطاعم ، فرايديز أشوفه عليه إقبال ،جربته مرتين وفي كل مره ما عجبني بصراحة ، لأنهم يعتمدون في وجباتهم على لحم البقر والخس . هذا الكلام ينطبق على فرايديز وعلى ستيك هاوس وعلى تشيلز .
ستيك هاوس أحلى مافيه الديكور ، أسعاره مرتفعه شوي ، تشيلز غالي مره . تعشيت فيه قبل شهرين تقريبا ً أخذت لي وجبتين طلع الحساب فوق 200 . فيه مطعم هندي إسمه " كوبر شندني " ، له فرع بالخبر وفرع بالدمام ، عليه إقبال وحلو ، كذلك مطعم شيزان الهندي جربته وكان حلو .
أحلى مطاعم الشرقية والذي لا يُعلى عليه هو " مطعم لفانا " ، قريب من الشاطيء مول . وما أعتقد إني بحصل مطعم أفضل منه . متخصص بالمأكولات البحرية والمشاوي . بالإضافة إلى ديكور المطعم المتعوب عليه .
في الرياض فيه مطعمين حبيتهم الأول " مطعم الفخار " العليا ـ شارع الثلاثين قريب من مجمع المطاعم . الثاني إسمه " ماريز " ، على طريق الملك عبدالله .
اما الي بلحفر والله يا اخوان كل ما احصل مطعم واقول هذى الروعه اتفاجئ بشي
انا اول اذا بقيت اكل كباب ومشتقاته على قولت ناجي اروح لمطعم على خط الشمال اسمه طرسوس ولكن تفاجئة
قبل مده بسيطه انه يشتري اللحم من العالميه للحوم والله انصدمت ولكن حد الحين المشاوي الطيبه
عند مطعم اسمه الرافدين على شارع الستين الغربي صراحه ممتاز
وادلك بعد على مطعم بلحفر وبلاش تاكل من عنده اكلات روعه ولحم طاازج وطبخ ولا احلى
لا وبعد يجيب عندك جم رجال يسولف وياك وانت تاكل على شان ما تستحي ولا شي
لا وفيه رجال مخصص بس يقطع لك لحم ويقولك ( اكل يرجال مابعد اكلت زين )
المطعم طال عمرك في الدويوان عندنا وحياك الله بلا مطاعم بلا كلام فاضي الناس للحين بخير وانا اخوك
=== تقبل مروري