لمن يعرف عن بيت الكيربي ؟

[البروفسور]

صباح الخير .. يا اخوان عندي موضوع ابي اسئلكم فيه و صراحه ما عندي خلفيه عنه كامله مع اني اعرف بالبناء و الي عنده خلفيه عنه يجاوبنا يعطيكم العافيه .. بخصوص البناء واحد من الجماعه يسئلني و هو ساكن اجار هو و اهله بالحفر و يبي يبنى بس ما عنده سيوله كافيه و يبي يبنى بيت سقفه كيربي و انا اشوف انه انتشرت هالبيوت آخر الوقت .. ودي اسال :

هل تنصحون يبنى بيت سقفه كيربي و لا يبقى بالأجار لين يبنى صبه ؟
و هل البيت الكيربي يعمر يعني يطول مع الزمن ولا يضر ؟
وش فرق التكاليف بالضبط بينه و بين الصبه ؟
هل البيت الكيربي يحتاج قواعد و الا بدون و يقدر بعدين يشيل الكيربي يصبه ؟
اذا احد يعرف مقاول فاهم بالكيربي يعطيني جواله لتفاهم....... تحياتي للجميع

[لينو]

اهلا بك اخي البروفيسور

للاسف ليس لدي اي معلومات عن طلبك

ان شاء احد الاعضاء بفيدك

ولك مني كل الاحترام والتقدير

[جروح الذاكرة]

دور واحد ؟

[هجير]

والله انا مااعرف شي بس الافظل انه يقعد بالجار لين الله يرزقه ببيت

يبنيه والصبه احسن واقوى لمدى العمر وهذارائيي

[خالد الجندل]

الله يهديك كانك نازل من المريخ,,مر على اقرب حداد ومؤسسة مقاولات وتعرف الفرق.......

[البروفسور]

شكراً لكم جميعا .. يا خالد الجندل دمك خفيف تصدق بس ما جبت جديد حنا عارفين ان فيه حدادين و مقاولين بس ما عليهم منك لو تسوي بيتك من ورق حنا في منتدى و نسأل و نشوف و سئلت مقاولين بس ما فيها شي اذا سئلنا بالمنتدى زيادة خير و الي يعرف يرد على الموضوع او يقول اسمحولنا ما نعرف و غيره ما له داعي

[خالد الجندل]

تقبل العذر ,,ولك تحياتي......

[أبوفيصل]

والله من ناحية الكيربي - وغيرك المعلم - ان وقت المطر راح يسبب مشاكل كبيرة , كذلك الهواء راح يكون فيه مداخل ومخارج , عندك بعد المنظر العام للبيت راح يكون ماهو مضبوط .

لكن لواحد متوازي اتوقع إنه راح يمشي معاه , لأن تخبر الإيجار يهلك الواحد , ومن داخل يكون ديكور لأن الديكورات تركب على الكيربي .

أما عن الأسعار اتوقع إنها مناسبة جداً لواحد يبي يفتك من الإيجار ..

[البروفسور]

شكراً على الردود و مقبول اعتذارك يا اخ خالد ما صار شي

[%الفارس%]

بيت الكيربي ممتاز جددددا انا بيتي من كيربي صارلة اربع سنوات مخر ولاشي وادا شفتة من برى ماتقول انة كيربي كانةصية الاني حاط فوق الكيربي سور بلك ومن داخل ديكور بس وكل اهل اديرة عندنا كيربي لاانة ارخص بس يبيك اداحصيتة اثناء البني تصب فوقة ماء علشان تعرف اداضبطوه لك حط كيربي احسن من الايجار لااني افضل اسكن بخيمه ولااسكن بيجار