الى متى نرى هذه النوعيات من الممرضين فرحنا بالممرضين السعوديين ولكن للاسف لم تكمل هذه الفرحه
حيث وجدنا انهم يتعاملون مع المرضى بفوقيه وحسب نفسياتهم
وهذا موقف لاحد المواطنين حدث امامنا كان معه ابنه مصاب بجرح عميق في رجله وكان الطفل يستفرغ ا
وينزف الجرح دما ويبدو ان الطفل نزف الكثير من الدم ولم تكن والدته معه وامر الدكتور بالتوجه الى قسم الرجال لمعالجته ورفض احد الممرضين معالجته ثم توجه الاب الى المدير المناوب بالاسعاف واخبره بما حدث وطلب منه التوجه لقسم الرجال وجلس الاب والابن فتره طويللة ينتظرون حضور الممرض ثم اتى نفس الممرض الاانه كان عصبيا واخذ يقول بعض الالفاظ فخاف الاب على ابنه لان الجرح يحتاج الى خياطه وتركيب مغذي ومخدر وطلب منه عدم لمس ابنه وحدثت مشاده بينهما لدرجة ان الممرض مزق ثوب الاب
عجبا لهذا الممرض هل هذا من ملائكة الرحمه اين انت يامدير المستشفى الى متى هذه المشاكل الا يكفي ....اريد ان اعرف هل هذا الممرض ادى القسم باداء عمله على اكمل وجه ؟؟؟
شكرا الـــــــف شكر
ولكن اقولها لك بمستشفى الحفر غيـــــــــــــر
لايوجد من يقوم بواجبه ولايعلم انه حط لأجل خدمة المريض والعنايه به
وكل هذه الأمور وغيرها يرجع للراس -وفعلا اذا خرب الراس خرب اعضاء الجسم
هذه تقريباً لنفس المشكله قبل شهر حصلت امامي بطواريء مستشفى الملك خالد حضر الاب والام ومعهم ابنهم وكان عمره صغير و معه مغص شديد في بطنه وانا كنت واقف انتظر طبيب الجراحه المهم الاب يقول للممرضين وين الطبيب وقالوا له الطبيب عنده حاله اسعافيه بالعنايه المركزه ومافي الا هو اخذنا شوي الا وحضر اكثر من عشر اطباء وكلهم تخصص جراحه للعنايه المركزه وجاء الاب وقال وشلون تقولون بس طبيب واحد موجود والحين فوق العشره اللي حضروا جاء ممرض سعودي قام ينافخ على الاب الشايب بكلام سيء وانا اشوف واسمع كل شيء بعدها راح الاب ومعه طفله الى المدير المناوب علشان الاب يشوف حل مع المهزله اللي حاصله بالمستشفى وكان المدير واقف اقبال العنايه المركزه وصارت عاد مشاده كلاميه بين الاب والمدير ويقول المدير بالاخير للاب ياخي انتظر شوي عندنا حاله اسعافيه خطيره وفوق ذلك يوجد بالعنايه اكثر من عشر اطباء جراحه وشوي ويجي طبيب ويجلس بمكتبه وهو اختصاصي جراحه دخل عليه الاب ومعه الطفل وقال يادكتور ولدي تعبان ومعه مغص شديد والطفل يبكي من الوجع ولا رد عليه الطبيب جاء الممرض نفسه ويقول للاب ياخي هذا مكتب وليس عياده رح ود ولدك للسرير الين يجي طبيب ويشوفه وتهاوشوا بين بعضهم وبالاخير الممرض قال خلاص مافي طبيب وتوكل على الله وشف لك مستشفى غير هذاا ...؟؟؟ عاد انا يوم سمعت هذا الكلام من الممرض انفعلت وعصبت بالمره وجيت للمرض وقلت له الحين هذا هو مستشفى ابوك يوم انك ترفع صوتك على هالشايب ما تستحي ماتخجل على وجهك تتلفظ بكلام سيء على شايب بكبر ابوك وش انت يوم انك ترفع صوتك على الناس وقلت له اقسم بالله العظيم اذا ما تسنعت وتعوذت الشيطان أني لخليك ماتشوف الدرب وتسنع وخلك رجال والطبيب يعالج الطفل غصبن عنه وعنك واذا منت راضي ابلع لسانك وخلك على جنب جانا المدير المناوب وقام يصارخ علينا رديت عليه وقلت انت خلك محترم وامسك لسانك وابلعه من اليوم وانا اشوف واسمع كل شيء ولافيكم اللي خدم هالشايب وطفله وهالحين جاي تبرز عضلاتك علينا رح وراك لا والله الحين تصير علوم ونون مايعلمون المدير سكت وراح جاب الشرطه علينا قال العسكري خير وش الحاصل قلت الحاصل ان هالمدير والممرض عندهم قلة ادب وعدم احترام ويرفعون اصواتهم على الشايب وهذاك الممرض يقول للشايب مافي علاج ولا فيه طبيب وعالج ولدك بمستشفى اخر وين عايشين احنا قال ماعليك انت هد الوضع والعلوم طيبه ان شاء الله فالعسكري بيض الله وجهه حل الوضع بأحترام وطلب من الطبيب يعالج الطفل وانا رحت بطريقي ولكن هذا ان دل فيدل على الاهمال الحاصل بمستشفى الملك خالد ويدل على ان بعض الموظفين من فئة الممرضين وبعض الادرايين اخلاقهم ليست من صفات الموظف المثالي وتعاملهم من سيء الى اسوأ واتمنى من الدكتور خضر الانتباه لذلك جيداً للممرضين والاداريين فهذا مستشفى عام ومن حق المواطن ان يعالج به وان يتم توفير الطبيب للحالات الطارئه فوراً وحتى ولو كانت الحاله عاديه .