اللي يبي التجارة ....؟ فــــرصـــــــه ....

[فيــصل]

بقالة للبيع بكامل محتويتها .

على شارع الملك عبدالعزيز أمام مطعم ريم البوادي ومطعم دوك الجديد .

ولكل يعرف شارع الملك عبدالعزيز شارع تجاري بحت والحركه فيه اربع وعشرين ساعة البقاله والله ماشيه مثل الحلاوه ولله الحمد لكن يبيلها متابعه مستمره وهذا اللي ينقصني .

المحل ايجاره 500 ريال من مالك العقار .

الأرضيه سرميك والسقف ديكور .

توجد بها ست ثلاجات وهاتف لتوصيل الطلبات كما توجد بها بضعه تقريباً مايعادل 9000ريال .



_________________


اي استفسار سأقوم برد عليه هنا .

نسمع سومتكم .

[الظفيـرٍيّ]

بسم الله الرحمن الرحيم

اخوي ابغاك تصدق معاي !!

س / سبب البيــع شنــو ؟

س / فيها هنـدي ولا لا ؟ راتب الهنـدي علي بالتأكيــد بس الكفاله تنقل لي بدؤن رسوم ام لا ؟

س / كم خاطرك فيهـا ؟ حدود كم يعني ؟

[فراج العضيله]

كم تبي فيها يعني نفسك !
عليها إقبال سابقا
تحياتي

[فيــصل]

اخي الظفيري مرحبا فيك .

اقتباس: س / سبب البيــع شنــو ؟

اولاً البقاله يبيلها متابعه مستمره وانا ما اقدر عليها الا اذا تبي تأجرها للعامل اللي ما سكها وهذا اللي يصير في كثير من البقالات .

اقتباس: س / فيها هنـدي ولا لا ؟ راتب الهنـدي علي بالتأكيــد بس الكفاله تنقل لي بدؤن رسوم ام لا ؟

العامل اللي فيها مو على كفالتي على كفالة واحد من الجماعه ومستأجرها مني العامل 850 ريال شهرياً وايجار المحل عليه والكهرب وفاتورة التلفون .

اقتباس: س / كم خاطرك فيهـا ؟ حدود كم يعني ؟

انت مر على البقاله وشفها وعطنا سومتك علماً انها مسيومه 16 الف ريال وماني بعيد .

[فيــصل]

S a i F مرحبا اخوي ..

مثل ما قلت للظفيري اما من نا حية الاقبال والله انه جيد جدا واذا فيه سيوله راح يكون ممتاز .

[sam73102]

بالتوفيق ،،،والله يرزقك من خير الدنيا والاخرة

[فيــصل]

سام مشكور اخوي ..

[أبونو]

بالتوفيق للجميع ،،،

[قرقع]

كم مساحتها يافيصل؟

[قرقع]

الله يعطيك العافيه يافيصل


اذا تسمع النصيحه لا يطير سوامها بــ 16 الف

لكن اذا بتبيعني الثلاجات انا شراي من غير الرفوف والبضاعه