[align=center]متواضعه بكم ترتقي
أتمنى أن تنال القليل من رضااكم:
غرتك يالمزيون دورات الأزمان
مشت معك بعض الليالي صفيه
**
تحسب زمانك صافي بكل الأحيان
وأنت إرتكبت اليوم أكبر خطيه
**
خليتني في ظلمة الليل سهران
أسامر نجوم الليالي الشقيه
**
وخليتني عايش على أحلام وأحزان
وعذبت نفسي بين روحه وجيه
**
صدقت فيني قولت فلان وفلان
وأصبحت لعبة في يدين الوشيه
**
وين الوعد ؟وين الذي بيننا كان؟
ياذابح العشاق! ويش القضيه؟
**
أول تقول: لشوفتك حيل ولهان
واليوم مافكرت تسأل عليه
**
ياماعطيتك حب وإخلاص مابان
ماشفت منك غير كثر الأذيه
**
وتركتني والماء بأياديك ضميان
وحالي من أسباب الخيانه رديه
**
وفجرت وسط القلب يازين بركان
ونثرت دمع ٍ ينبت العشب ميه
**
يومك وفي ماشاقني غيرك إنسان
ولاناظرت عيني لكل البريه
**
وأصبحت يالمزيون حاكم وسلطان
وأهديت لك مفتاح قلبي هديه
**
واليوم أببعد عنكم بعد خيطان
عن موسكو ياللي غدر في خويه
**
وأبتركك مع شخص تهواه يافلان
وتعيش يالغدار عيشه هنيه
**
سبحان من صور جمالك وسبحان
من علمك يازين تلعب عليه
**
عذبتني ماشفت مثلك بالأوطان
عز الله إني منك زرت المنيه
**
من قال: راع الحب مرتاح غلطان
ياحظكم ياأهل القلوب الخليه
محبكم
ماجدعوادالسعدي[/align]