قبل قليل يامرور حفرالباطن

[قرقع]

في ظل غياب الدور الحقيقي لمرور حفرالباطن باكستاني يقطع الاشاره ويطلع في حينه ..!!

باكستاني موزع أجهزه الكترونيه اتصل بي في تمام الساعه الثانيه عشر والنصف ليلاً وقال لي البضاعه موجوده (( طلبيه )) بس انا يمسك مرور والحين سجن مرور موجود ..


قلت ليش ؟ وش مسوي ؟؟ جايب العيد ؟؟ قال لا بابا مافي عيد بس انا يقطع اشاره حق طريق رياض ..!!

قلت قطع الله راس العدو .. اجل خلك تستاهل خلك تخيس كلها للسبت وتطلع ان شاء الله ..

قال لا بابا شوف صديق من هنا ولا من هنا شوف واسطه شوف اي شي ,, قلت كفيلك وينه ؟؟ قال بالدمام .. قلت اجل اعتبرها استجمام كلها يومين وتطلع ..

قفلت من عنده واحسه زعلان ويدق علي الساعه وحده ونص بالضبط قال تبي بضاعه انت تعال افتح محل قلت وينك ؟ قال انا كلم نفر كبير وطلع على طول من سجن ..


يامرور حفرالباطن

تتأخرون بالحضور للحوداث نقول ماعليش

نفتقد الترتيبات والتنظيم نقول ماعليش

نشوف الزحمه في ظل غياب تواجدكم نقول ماعليش


بس كل شي ولا قطع الاشاره ولا من من ؟؟ من اجنبي والله العالم كيف طلع ومن طلعه ومن المستفيد !!!

كيف بالله شخص يقطع اشارة على خط دولي وسريع ويطلع في اقل من ساعه من الحجز ؟؟


والله لو كان سعودي ولا عنده واسطه كان اقل شي يجلس 24 ساعه وبعدها يطلع من الحجز وهالاجنبي خلال ساعه وحده طلع من الحجز ؟؟؟


بغض النظر عن كونه اجنبي لماذا التساهل مع الي يقطع الاشاره ؟؟؟

وليش يطلع هالعامل شخص مو كفيله ؟؟؟ ولا وكيل للكفيل ؟؟؟

تصدقون اني قلت للباكستاني عطني رقم جوال الي طلعك ممكن احتاجه في يوم من الايام :(


نتمنى ان لا تكون العدوى المنتشره في مكتب العمل بحفرالباطن وصلت لكم يارجال المرور (( واللبيب بالاشارة يفهم ))

[فيلسوف منطقي]

ياخي لاتلوم المرور غرفة الحجز واحده مساحتها عشره في سته وتمتلي بلليه الواحده من كثر المخالفيين وكل واحد مشغل واسطه وصعبه على أفراد المرور أخراج شخص امام اعين المحجوزيين
فهذا ظلم وصدقني هذا الشيء حصل معي توسطت مره لواحد وقالولي صعبه انطلع شخص ونخلي الأخريين بس قالو مراح يطول ساعتيين والكل يطلع وهذا اللي حصل واكتفو بالمخالفه ..

[العزيزيه (ب)]

اخس والله الباكستاني واثق يقولك شف منيه منيه والرجال عارف وضعه يقولك ما يسوي عيد ههههه
والله يا خوي المصيبه من الي يلتفن الى كلامك او رسالتنا
وانا والله اتنمنى ان حفر الباطن رجع مثل كم سنه ورى ايام كان الواحد اذا شاف دوريه يحسب
الف حساب ولكن ان شالله ان الامور تزين
بارك الله فيك اخوي
=== تقبل مروري

[سليم الشرعان]

والله انه وليده هالباكستاني عرف مفتاحهم

يخرب بيته والله لو انا الا انق الغرامه واقل شي ابي اجلس بالتوقيف 48 ساعه

[نقيب المنتدى]

حشى هذي ماهي ادارة مرور تسيب عينك عينك
والباكستاني واثق انه راح يطلع مشكوووووور والله يعطيك الف عافيه

[هنوف نجد]

ههههههههههههههههههه

اصلا ًمن قالك انها اداره حكوميه

لونى منك كان تجملت مع الباكستانى

بس ماودك تنشر رقم اللى توسطبه

مشكله حفر الباطن الفساد الذى استشرى

لدرجه جعلت الوافدون يتهاونون فى قوانين دوله

كنا نعتقد ان قوانينها كحد السيف !!!

لكـــــــــــ// تقديرى واحترامى

[أسـيـر الـ غ ـرام]

الباكستاني قطع الإشارة وهو واااثق مليون بالمية انه سوف يخرج من حجز المرور اذا تم حجزه


طبعاً اكيد ماعطوه مخااالفة ولا شي



ياخيبتي فيكم يالمررررورررررر بـسـ

[ناجي الحفراااوي]

والله ياخوي بالنسبه للواسطه فهى منتشره في اغلب الدوائر الحكوميه

وهذا شي لطالما انزعجنا منه

بالنسبه لقاطع الاشاره وخروجه من التوقيف بهذي السرعه

امر عجيب جداً!!

كيف ستنتهي مشكلة قطع الاشاره في ضل تواجد هذه الواسطات المزعجه!!

[نص الدنيا]

مرور حفر الباطن وما ادراك ما مرور حفر الباطن قمة التخلف والفوضى والمحسوبية

[فــارس]

الواسطة هي الخربه كل شي
بس مدير المرور الجديد عامل صندوق
حق قطع الاشارات والتفحيط كل يوم يفتحه
ويجي فجاه على المرور وهو راكب مرور سري
كامري 2007 ازرق يخالف ويبلغ عن القاطع اشاره