اتصل بادارة الموقع البحث   التسجيل الرئيسية

 


العودة   منتديات عاصمة الربيع > الاقسام العامه > القسم العام

القسم العام للنقاش الهادف والبناء والمواضيع العامه

إضافة رد
 
أدوات الموضوع انواع عرض الموضوع
قديم 22-09-03, 04:30 PM   رقم المشاركة : 1
حيل احبك
عضو برونزي
الملف الشخصي






 
الحالة
حيل احبك غير متواجد حالياً

 


 

Thumbs up اذا فيك خير ..... اطلع لى برا والله للعن جدفك........

أقوم من الصبح على صراخ ابوى .. قم يا مال العما تأخرت عن مدرستك واقوم يالله افرك خشتى بيدى وامعك عويناتى ومالى خلق .
ويرد أبوى يقول ::::: والله لعلم عليك الاستاذ ..
.. انتفض مثل الجنى والبس ثوبى والم دفاترى المنثرة .. حتى وجهى ما غسلته
وحلقى له ريحه .. ما أنلام ابوى يبى يعلم الأستاذ .. وا مصيبتاه ... يا ويلتاه ... يبى يلعن جدفى بالعصا ولا ... بالهوز البرتقالى حق الكهرباء ( المقاولين يعرفونه.).
.. تكفى يبا لا تقول للمدرس أنى تأخرت .... لاتعلمه الله يخليك .
كان المدرس يعتبر كابوس .. يلازم الواحد ليل نهار . إذا ما نمت .. يعلمون المدرس .. إذا ما أكلت .. يعلمون المدرس ...إذا ما عقلت يعلمون المدرس .. إذا رقيت فوق السطح وإذا طبيت البركه ..وأذا طلعت بالعج .... اهلك يعلمون المدرس ....
وفعلا كنا نخاف من المدرس ... والوكيل الله يا الوكيل هذا قصه ثانيه .
كنا نحسب له الف حساب . كنا ما نمر بالشارع اللى هو ساكن فيه , اذا شفناه بالشارع نندس عنه ما نبيه يشوفنا .
.... هالكلام كان أيامنا ... اعتقد كان فيه أحترام أدبى لوظيفة المدرس المربى الوالد .
والحين كلكم تعرفون اللى صاير . هالمصابن تطلع من المدارس وتدوج وتفحط عند باب المدرسه وتتمصخر على المدرسين , وتكسر سياراتهم .
وما خفى كان أعظم .
والمشكله أذا لقوه فى مكان عام يتحرشون فيه , وأذا كان بالسياره يحدحدونه.
كل هذا ما هو كفايه .. الشباب الطلبه أجيال المستقبل المشرق . بعضهم يسترجل على المدرسين خصوصا الفاشلين اللى يخلصون المتوسط بعشر سنين .
تلقى له شوارب والطلبه كأنهم عياله . وأطول واحد بالفصل .
أذا كلمه المدرس :
قال... والله بكيفى وإذا صار فيه مشاده بينهم ووصلت الى المدير ..وأكيد راح يصير فيها عقاب لأبو شنب ..
تلقاه يتهدد.. ويتوعد ..وإذا فيك خير ..برا برا أنا اوريك . والله للعن جدفك .
أبو شنب يبى يطق الأستاذ . والله لا نكسر سياره الآستاذ . شلون يصيح على ابو شنب.
هذى مقوله بعض التلاميذ اللى من شلة أبو شنب.
المدير يتصل بالشرطه والشرطه تعطيك إحتمالين يمكن تجى دوريه ... أو ما تجى دوريه ... إذا جت دوريه انتهى الموضوع , وإذا ما جت يتم تهريب المدرس من خلف الكواليس بواسطه أحد المدرسين من باب جانبى ... الى سيارة تنتظر خارج المبنى أو سياره حارس المدرسه .((علشان محد يشك بالموضوع )) وقائد السيارة يكون مدربا على القيادة بالطرقات الوعرة و كذلك الفيادة بسرعه والتخلص من أى ملاحقه .
(((( والله فيلم من أفلام جيمس بوند ))))
وين راح الأحترام وين راح الخوف ....... يا سيدى .
أكيد مرت عليكم مثل هالسوالف هذى وأكيد مر عليكم البيت هذا

قم للمعلم وفه التبجيلا .....كاد المعلم أن يكون رسولا .
أى تبجيل وأبو شنب يبى يلعن جدفه .؟؟؟؟؟

تعتقدون ما هو السبب .؟؟؟؟؟؟؟ وما هو الحل ؟؟؟؟؟؟

أتمنى اسمع وأرى الأسباب قبل الحلول .

أنتهى







التوقيع :
nams91@hotmail.com

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
من هنا تسقط الفتاة / مؤثر جدا مرهف الاحساس الاســرة والمجتمـــع 8 13-06-06 11:00 PM


الساعة الآن 09:40 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم