من الفرحة نسيت أني عليك البارحة زعلان
نسيت أقول لو تسمح تكرم لا تكلمني
أهلي بك مثل ما أنت تهلي بي وأنا الشفقان
أحس أني أنا الغلطان وفرصتك ما تعلمني
ذكرت إنك علي أخطيت لكن نعمة النسيان
تنسيني خطا الغالي وترجع له وتسلمني
حبيبي ما تمكن داخل فؤادي ولا إنسان
ألومك يومك أنت أخطيت وإذا أخطيت أنا لمني
حبيبي لو يطول العمر أو يقصر أبد خلان
تراك أنت الوحيد اللي يشتتني ويلملمني
حبيبي دايم قلبي مشتاق لك ولهان
غيابك عن عيوني طول هالمده يألمني