[poem=font="Arial,7,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
إلى ضحكتي تضحك الانس والجان=وإلى زعلتي يزعـل الكون كـلـه
يادرةٍ عـزة عـلى كـل الاثمـان=بالوصف عن كل الدرر مستقـلـه
يافرحـةٍ تبسمـت بين الاحـزان=يافـرجةٍ بين الشدايد مـطـلـه
ياكـف شهـمٍ مدها يم غـرقـان=باخر رمق من تحت الامواج تلـه
ياضوح برقٍ لاح بعـيـون بدوان=تباشـروا عقب السنين المغـلـه
ياجرعةٍ عـذبه على حلق عطشان=امن الضما عجزت اعظامه تشلـه
يالذة الغفـوه على عين نعـسـان=مـره تغم العيـن ومـره تفلـه
يانشوة الصحـه على جسم وجعان=اربـع سنينٍ ثاويٍ فـي محـلـه
يادمعـة التوبه على خـد ندمـان=تحدرت يومٍ سمع خـف مـن الله
يافيضةٍ عشبه غدى اشكال والوان=بالسدر عن شمس الظهر مستظله
يانسمـةٍ تسللت بين الاغـصـان=ياوردةٍ مـن شـمـهـا مايملـه
صرتي ورب البيت للزين عـنوان=كنك شعاع الشمس والناس ظلـه
لو قسموا زينك على كل الاقـران=كـفى وفاض ومابقي شَيَنْ لـَلـْه
ماهمني غيرك من العالم انسـان=من بينهم وسط الحشا مستحـلـه
يارب سهـل دربها وين ما كـان=وخل الحياة بوجهها مسفـهـلـه
يارب وفـقـها على كل ميـدان=يارب لاتجعـل حياتـه مـمـلـه
أعيذها بالله من كـل شيـطـان=واعيذها من كل نفـسٍ مـضٌـلـه
أستغفر الله واحمده عالي الشآن=إن شاء .. يغـفـر كل ذنبٍ وزلـه[/poem]
[align=center]احمد بن عبدالرحمن العريفي
(نديم المجره)[/align]
العرض العادي
