بالصور شاحنة أسمنت تقتل 11 ناقة مزيونة كانت قادمه لأم رقيبه

[تركي الوايلي]

تسبَّب خلاط محمَّل بالأسمنت في نفوق 11 ناقة وإصابة اثنتين بكسور قوية في حادث جماعي ظُهر يوم امس الخميس، صدم فيه "جيب" من نوع "لكزس" وناقلة "دينا".وفي التفاصيل أن الخلاط ارتطم بـ 13 ناقة على طريق قبة - أبا الورود؛ حيث كانت الإبل تعبر الطريق باتجاه مهرجان أم رقيبة؛ للمشاركة في مسابقة الملك عبدالعزيز لمزايين الإبل.وقال شهود عيان إن مالك الإبل كان يهم بتفويجها عبر مرتفع يقع في وسط الطريق، ويسير خلفها بسيارته الخاصة، إلا أنه فوجئ بخلاط أسمنت يسير في طريقها ويداهم الإبل ومالكها وسيارة من نوع دينا يقودها وافد.وقد نجا جميع قائدي المركبات، في حين نفقت الإبل على الفور من جراء تمكُّن الشاحنة منها، وهربت من الموقع أعداد كبيرة منها، كادت تلحق الأذى بقائدي السيارات.

[أبو راشد]

الحادث صاير بعدي بشوي
مريت مع الطريق قبل صلاة الظهر مافي شي

[بطاح]

الناس ماعاد تعرف اللي يسوونه حراااام وش الفايدة من هالمزايين غير بس خساير فلوس

وش ذنب الابل اللي ماتت ولكن عقول بعض الناس الورع مايسوي اللي يسوونه

أنا بحياتي ماشفت ناس يركضون قدام الابل ويرقصون والله حتى المجنون مايسويها

مع احترامي وتقديري لكن أقلعوها بعيد عن الشارع وأمشو وراها على كيفكم

الحمدلله على نعمة العقل

[الشاهين @]

اقتباس: المشاركة الأصلية كتبت بواسطة بطاح    الناس ماعاد تعرف اللي يسوونه حراااام وش الفايدة من هالمزايين غير بس خساير فلوس وش ذنب الابل اللي ماتت ولكن عقول بعض الناس الورع مايسوي اللي يسوونه أنا بحياتي ماشفت ناس يركضون قدام الابل ويرقصون والله حتى المجنون مايسويها مع احترامي وتقديري لكن أقلعوها بعيد عن الشارع وأمشو وراها على كيفكم الحمدلله على نعمة العقل

كلام سليم

[ابومشاري1430]

الحمدلله على سلامة الاوادم والله يعوضه بحلاله

[سفير الصمان]

يفتخر بانه ماسك طريق ويصايح في نصف الطريق
وهذي عادة سيئه دائما اشوفها على الطريق الذي يربط الرفيعه بطريق الصداوي
والمشكله الواحد يتكلم من طرف خشمه بعد مخطي ويصارخ على الناس

[توت الصبا]

الحمدلله على سلامتهم
وعساها هي الفقيدة
وربي يعوض صاحبها خير

[ابو حمد العبيوي]

الناس ماعاد تعرف اللي يسوونه حراااام وش الفايدة من هالمزايين غير بس خساير فلوس

وش ذنب الابل اللي ماتت ولكن عقول بعض الناس الورع مايسوي اللي يسوونه

أنا بحياتي ماشفت ناس يركضون قدام الابل ويرقصون والله حتى المجنون مايسويها

مع احترامي وتقديري لكن أقلعوها بعيد عن الشارع وأمشو وراها على كيفكم

الحمدلله على نعمة العقل
كلام سليم




الحمد لله على سلامة الناس والبل غاليه عند اهلها وفكروا بغيركم وش مزاينهم فيه ؟؟؟!!!
وبعدين تكلموا

[الحصاه]

الله يعوضه صاحب الحلال

والسلامه للجميع

[التسعاوي]

أسأل الله السلامة للجميع
أم رقيبه صارت خطر
يا جماعة الخير ليش ما يبعدون عن الشارع العام
ما كل من مر على المزاين يبي يشوف الابل
الناس أغلبها عابرة سبيل
( المفروض تبعد المخيمات والتجمعات عن الطريق للحفاظ على أرواح المسلمين )