تقبلوها كما هي لانها كيبوردية.......................
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
قالت ابي اسألك وارجوك فرحـان=جاوب سؤالي دون لف(ن) وتزوير
قلت ابشري يابنت والصدق عنوان=فينا الصراحه علمهـا دايـم ينيـر
قالت تحب؟وقلت وشفيـك حيـران=قالت سألتك ...قلت سيد الغناديـر
اللـي غلاهـا مايضاهيـه انسـان=وصعبه يجي في يوم اعشق انا غير
هي الغلا هي الحلا شبـه بستـان=اللي غلاها وسط شريانـي يسيـر
نبض المحبه حبها ..نور الاعيـان=والشاهد الله مثلهـا مابعـد صيـر
اللي بها يابنت حاربـت الاحـزان=وشفت الزمن وشلون يحلى بتطوير
من قبلها عايش مع الهـم غرقـان=ولا جنيـت الا العنـا والمخاسيـر
قالت خلاص ارجوك ارجوك يافلان=لا لا تكمل لان عقلي بـدأ يطيـر
الله يهنيكم علـى طـول الازمـان=ويرزقك يافرحان تستاهـل الخيـر
قلت شبلاك وقالت الموت بي بـان=ابوك احبك موت افهم وش يصيـر
انت الذي بالقلب تحتـل الاركـان=وانت الذي عشته غلا دون تقصير
ثم(ن)بكت لين انطقت آآه فرحـان=وشلون ابحيا وانت عايش مع الغير [/poem]