صدفة تعلمت الهوى من جمانة
اللي لها قلبي بدا حيل يشتاق
همساتها ردت لقلبي حنانة
واليا حكت صار الطرب بين عشاق
يلعن ابوها طيحتها الميانة
واصبحت هايم في هداها ومشتاق
في وصفاها الشاعر يتلعثم لسانة
لو ينكتب ماتاسعة بيض الاوراق
هي كنها درة في وصف دانة
وجبينها صاطع مثل شمس الاشراق
والخافق اللي هزتة من كيانه
يبقى لها يرسل تعابير واشواق
واليوم خلتني وحيد بزمانة
اقفت بعد ماجونا بالهوى راق
لا وحسايف منة جت من الخيانة
عزوة ناسا واحرقوا قلبي حراق
بالكذب والله زينولة مكانة
مسكين حطوة متاهات وارهاق
خلوة يترك من يحبة وصانة
في وصط عينة بالمخاليق ملاق
واليوم لو يرجع علي اهانة
اخترت عن حبها بعد وفراق
حان الرحيل وصار هذا اوانة
ابجبرة حتى لو القلب ماطاق
انا عشقتك بس كنتي جبانة
وماعاد لك في داخل القلب خفاق
فلاح عشوي العنزي
العرض العادي
