للحب دولة.. وله مستوطنة فيني .. لازاد لي عمر.. تكبر بي مساحاته
الحب وحده عن اللي فات يكفيني .. اهاجــر بكــل شوق ٍ في مسافاته
ويصارع الحزن في ذاتي وتكويني .. واحيان يعلن على الحب انتصاراته
واضيق واسج واسمع من يناديني .. ينخى بصوته ويكفيني بفزعاته
صوت القصيد وصداه اوفى مخاويني.. يفك صدره لبوح ٍ طوّل سْـكاته
اصدق صحيب على الشدة يواسيني .. اشتاق في غيبته وافرح بجياته
ونيس فكري ومضموني وتلويني .. يسر فكري متى ماجا على اوقاته
يترجم الحب لاشتقت لمحبيني .. ويترجم الحزن في قمة معاناته
ياوردة الجيل ياترنيمة سنيني .. مارجع الوجد للمحزون مافاته
خذني معك بس حاول بينك وبيني ..لا حدن يحس بخيالك واختيالاته
دمت بوفا.. والوفا مجرى شراييني ..ودمت بقصيدٍ تعانقني عباراته
الشعر والحب وانا ثالث اثنيني .. حضور في ذات من يحتلني ذاته
من رافق الحب مايجهل عناويني .. ومن رافق الغدر مارافقت خطواته
وانا طموحي قريب ورهن كفيني .. وكلٍ تحقق له عزومه طموحاته
وسلامتكم
الشعر خير صديق
العرض العادي
