اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > مشــــاعر الــــروح > القصائد المنقولة والمسموعة

القصائد المنقولة والمسموعة خاص بالقصائد المنقولة والمسموعة والتي اعجبت ناقلها

إضافة رد
 
أدوات الموضوع انواع عرض الموضوع
قديم 05-03-10, 11:12 PM   رقم المشاركة : 1
فيوونه
عضو نشط
الملف الشخصي







 
الحالة
فيوونه غير متواجد حالياً

 


 

Arrow هذا ماهو شيـب يمـّه !!



[img]http://2.bp.*************/_SpoBczFTQX8/Sji9ayec9tI/AAAAAAAAB4U/O3_ymYuGhSk/s200/1_921401_ط´ظٹط¨1_23.jpg[/img]



هذا ماهو شيب .. لا تبكين .. ماهو شيـب يمـّه
لا يهولك منظره في راسي وتبكيـن .. عـادي !
لا يغـرّك لونـه الأبيـض .. ولا يفجعـك كَمّـه
صدقيني ماهو مـن الشيـب هـذا اللـون بـادي
تذكريـن .. أصابعـك لمـا تبعثـره وتلـمـّه ؟
يوم كنت اوسده رجلك .. واروّض لـك عنـادي ؟
كل ما مشّيتي اصبـع بيـن شعراتـي تشمّـه ..
لين صارن بيض من كبر الغلا و طُهـر الايـادي !
شرّعي لي حضنـك الممطـور بالمسـك ابخمّـه
خمة ٍ تبرا بها روحي مـن جروحـي .. وانـادي
ما ابي مْن الناس : غير اذكـارك وريحتـك لَمّـه
ولا ابي مْن النور : غير سرآآجك العن به حـدادي
وما ابي مْن العز : غير اللي تحت رجليـك قمّـه
ولا ابي مْن الأرض : غير جلالك اعلن به بـلادي
ودي ارجع ( طفلك المغمور ) واللي كان همـّه ..
يصعد / اطول نخله .. ويشرب / من حثال العوادي
يغسل نعاسه .. بآذان الفجر ، واصـوات الأئمّـه
ويونْس الشيبان لا رتّل لهم : ( قُل يـا عبـادي )
ويسرق اول ( خبزه لصاجك ) ويخفيهـا بفمّـه !
قبل ما يصحى حدا اخوانـه .. ويحتـد التمـادي !
طفلك : اللي ذنبه انه مـا غسـل بالدمـع كمّـه
لين صار الكم من بطا دموعه رمـادي !
ودي ارجع طفل : بعض عيوبه أجمل من شيَمّـه
يوم كان أصغر رفاقه عمر .. وأكبرهـم مبـادي
ودي افتـش بتاريخـي عـن احلامـي المهمّـه
قبل ما تهزم جيوش اليـأس صبـري واجتهـادي
ودي اوشي بحزنـي الحاضـر لماضيّـي وانمّـه
يمكن انقذ جمرة سنينـي مـن المـوت برمـادي
بس وشلون اقدر ارجع ؟ ليه ما قلتي لي يمـّه ؟
ليه ما قلتي لي ان الشيـب مشتـاق لسـوادي ؟!
ليه فهمتيني ان الخـوف مـن بكـره مذمّـه ؟؟
ليه خليتيني اكبـر واحمـل ذنـوووب اعتـدادي ؟؟
:: مآهو شيب يآيمه ..,, ::
وين اعيّن خير يُمّه ؟؟ والأمل من غيـر يَمّـه !!
الحطب - يا ميّه - قليّـل وبـرد الليـل سـادي
كل ما غرست غصنـي سافـي الحرمـان دمّـه
واشعر اني وردة ٍ مزروعـة ٍ فـي بطـن وادي !
وانا والله ، ما رضيت بهالعنـا مـن قـل همّـه
ولا كبا غير الدروب اما انت وافـي يـا جـوادي
احمـد الله جاعـوا الناس وانـا شبعـان ذمّـه
ما زرعت الا الوفا والناس تاكـل مـن حصـادي
ما عرفـت الاي خـال لخالـه وعـم ٍ لعمّـه !!
يوم ما ياسع هموم القـوم غيـرك يـا شـدادي
وانتي يُمه .. لو بكيتـي شيبـي وهوّلـك كَمّـه
قلت يُمه : ماهو من الشيب هـذا اللـون بـادي
تخبرين ( الثلج) لا منه تكدّس ( فوق قمّـه ) ؟؟
هذا ثلج .. وراسي القمـه .. ولا تبكيـن عـادي !
هذا ثلج .. وراسي القمـه .. ولا تبكيـن عـادي !
هذا ثلج .. وراسي القمـه .. ولا تبكيـن عـادي !

رآقت لي ..,,
لكم ودي ..و..وردي
..,,







التوقيع :


رد مع اقتباس
قديم 06-03-10, 01:04 AM   رقم المشاركة : 2
أبونو
مشرف سابق
الملف الشخصي






 
الحالة
أبونو غير متواجد حالياً

 


 

رد: هذا ماهو شيـب يمـّه !!

طفلك : اللي ذنبه انه مـا غسـل بالدمـع كمّـه
لين صار الكم من بطا دموعه رمـادي !


منقولة في قمة الروعة والأبــداع
صح لسان شاعرها وسلمت يمين ناقلتها
تسلمي على ذائقتك المتميزة
كل الشكر لكِ ...







رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:07 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم