قصات وكريمات وعطوارت ومعاكس هذا هو حال الممرضين بالملك خالد العام

[عيون الصقر]

[align=center]والله شي محزن ويشفل بنفس الوقت

اذا قدر الله لاي واحد منكم ومر بس مرور الكرام على مستشفى الملك خالد العام وخصوصا اوقات الصباح يبي يشوف العجب العجاب من الممرضين السعوديين بالتحديد

كنت والله اسمع ان الممرضين السعوديين لهم تجاوزات وسلوكيات غير محترمة مع خلق الله ولكن هذي المرة شفت بعيوني و ليس من سمع كمن راى




ممرضين سعوديين من هيئتهم تعرف انهم مو حقين شغل

قصات وكريمات ومرطبات وملطفات وروايح وتسكع بالاسياب وتوزيع ابتسامات مشبوهة خاصة اذا جت سيدة واستفسرت عن حاجة معينة .

اربع ممرضين في غرفة خدمات اصواتهم يسمعها اللي بالعناية المركزة وضحكهم يملا الممرات يتبادلون رسائل البلوتوث بكل تجرد من المسؤولية

والله كنت بقسم الاسعاف وشاهدت احد الممرضين باخر الممر يلاحق سيدة ويغريها برسالة بلوتوث وهي تمشي بالممر فلما ذهبت اليه وحس بقدومي اختفى بسرعة وكانه فص ملح وذاب

الشيء اللي قدرت اسويه رحت للمدير المناوب وللاسف كان المكتب مغلق وبعدها توجهت لاحد الاشخاص يبدو عليه انه مسؤول من بطاقته وشكيت له الوضع فقال اكتب شكوى باسم الممرض ؟؟ طبعا انا ما اعرف الممرض وملامحه كانت بعيدة عن لحظتها .

السؤال

من المسؤول عن التصدي لمثل هذي التجاوزات ؟

وليه السعودي دايم خراب السفينة ما يدخل لشي الا يخربه ويشوه سمعت السعوديين ؟

اللي يبي تاكد من كلامي يمر صبحية قسم الاسعاف ويشوف العجب العجاب !![/align]

[انسـ بقااياـان]

والله ياخوي لو فيه ادارة وراهم ماكان صار هالشي وانا شفت هالشي وضايقني خساره انهم زملائي
بس ياخوي ترى ماهم كلهم كذا

تقبل تحياتي

[جنتل حرب]

خل الدرعه ترعا

[مشعل كنج]

بسم الله الرحمن الرحيم


اللهم هم نسالك الرحمة ... ونسالك الصحة والعافية ...

اللهم اكفنا شر البشر ... وشر الشبهات ... وشر نزوات الشيطااان


اللهم اكفنا شر الكذب والافتراء ... اللهم انا نعوذ بك من شر المتحجرين


اللهم انا نعوذ بك من المتعصبين (ولكي لا اغلط في حقك لان اقول لك المتخلفين ).....


لو قدر الله عليك وكنت مريض ومصاب بحادث لاقدر الله


ومريت بهؤلاء الشباااب لاعرفت قيمتهم واخلااقة ... ولا همك منظرهم



ماذا تريدهم ان يفعلو او يلبسو...


هل تريدهم ان يلبسو ملابس مقرفة .. ام ملابس متقطعة ...

ام تريدهم لا يتعطرون ولا يضعون العطورات .. ام تريدهم يأتون للعمل برائحة التراب الزكية مثل ما انت متعود عليها والله اعلم


ام تريدهم يضعون ماذا



فقط تذكر ولا تنسي ان الله جميل يحب الجماااال



وقصة مسلسلك الهندي غريب في امرها

وان كنت اشك بمصداقيتك


او انك اخترغتها من نسج الخيااال


ماذا تقول هنا



( والله كنت بقسم الاسعاف وشاهدت احد الممرضين باخر الممر يلاحق سيدة ويغريها برسالة بلوتوث وهي تمشي بالممر فلما ذهبت اليه وحس بقدومي اختفى بسرعة وكانه فص ملح وذاب
)
فلما ذهبت اليه ...

انت تقول هنا ذهبت الية ....يعني افهم من كلامك انك وصلت لة وحصل شي الما بينكم

والا لما قلت ذهبت الية ....


وعندما طلبت منك احد الاشخاص كتابة شكوى ..بالممرض قلت بأنة


(طبعا انا ما اعرف الممرض وملامحه كانت بعيدة عن لحظتها ).


وملامحه كانت بعيدة عن لحظتها


كيف تكون ملامحة بعيد وان تقول انك ذهبت الية

عجبي ماهذا التنااااااقض


ام تفكر بأننا هنود او بنقالية يمشي علينا .....



اللهم يارب العرش العظيم ورب السموات والارض انك تسألة عن ما كتبة هنا يوم القياااامة ...



لا تحاول ان تنسج قصة من الخيال... هاكذا


عجبي منك ...


لا اقول


اللهم اكفنا شر شاكلتك



تحياتي لكم

[الـNـايـــف]

الاخ مشعل

سبحان الله اللي يشوفك قبل كم شهر وانت تكتب على إدارة

المستشفى وتقول كلام اقوى من ما قاله اخينا عيون الصقر وقمت

بقذف اناس في اخلاقهم واعراضهم وتم حذفه

من قبل إدارة المنتدى يستغرب ردك الآن

يا سبحان مغير الاحوال

[ابطال الحفر]

هههههههههههههه والله جاي قلت الولد استلم طريق الرياض فينا




والله يا مشعل كلام صحيح


ومن بعض من مهام الممرض الظهور بشكل راقي

اقتباس: اذا قدر الله لاي واحد منكم ومر بس مرور الكرام على مستشفى الملك خالد العام وخصوصا اوقات الصباح يبي يشوف العجب العجاب من الممرضين السعوديين بالتحديد

على فكرة الشؤن الدينية موجودة والادارة موجود اي غلط من الممرض مكشوف
ومدير الاسعاف موجود ومدير المستشفى موجود

اقتباس: كنت والله اسمع ان الممرضين السعوديين لهم تجاوزات وسلوكيات غير محترمة مع خلق الله ولكن هذي المرة شفت بعيوني و ليس من سمع كمن راى

حتى الميت ما سلم من شرهم

اقتباس: ممرضين سعوديين من هيئتهم تعرف انهم مو حقين شغل

ماهي على المظاهر وانا اخوك

اقتباس: قصات وكريمات ومرطبات وملطفات وروايح وتسكع بالاسياب وتوزيع ابتسامات مشبوهة خاصة اذا جت سيدة واستفسرت عن حاجة معينة

وش تبيه يلبس الدوام 8 ساعات لازم يستخدم مثبت وعطر على شان ريحة العرق وانا اخوك

اقتباس: اربع ممرضين في غرفة خدمات اصواتهم يسمعها اللي بالعناية المركزة وضحكهم يملا الممرات يتبادلون رسائل البلوتوث بكل تجرد من المسؤولية

طيب مدير الاسعاف ما سمعهم او المدير المناوب ما دام تقول حتى اللي في العناية يسمعهم

اقتباس: والله كنت بقسم الاسعاف وشاهدت احد الممرضين باخر الممر يلاحق سيدة ويغريها برسالة بلوتوث وهي تمشي بالممر فلما ذهبت اليه وحس بقدومي اختفى بسرعة وكانه فص ملح وذاب

قسم الاسعاف من كبره صغير مره وانا اخوك يعني اي واحد تشوفه تعرف شكله

اقتباس: الشيء اللي قدرت اسويه رحت للمدير المناوب وللاسف كان المكتب مغلق وبعدها توجهت لاحد الاشخاص يبدو عليه انه مسؤول من بطاقته وشكيت له الوضع فقال اكتب شكوى باسم الممرض ؟؟ طبعا انا ما اعرف الممرض وملامحه كانت بعيدة عن لحظتها .

يا الغالي مدير الاسعاف عندك في المكتب ما يروح

ومدير المتاوب موجود

بعدين على قولتك قدمت شكوى شنو اسم الشخص الذي قدمت له الشكوى

اقتباس: من المسؤول عن التصدي لمثل هذي التجاوزات ؟

اول شي ربك

ثاني شي اسمه مدير المستشفى

اقتباس: وليه السعودي دايم خراب السفينة ما يدخل لشي الا يخربه ويشوه سمعت السعوديين ؟

يا عزيزي اقسم بالله ان السعودي عنده رحمه وعنده غيره على اخوانه اكثر من الاجنبي

اقتباس: اللي يبي تاكد من كلامي يمر صبحية قسم الاسعاف ويشوف العجب العجاب !!

اذا انت مار مرور السلام وشفت شي ثاني ولا تعرف النظام واساسيات التمريض

ولا دخلت معهم

بقولها في اختصار شديد انت انسان فاضي

وحرام تظلم الناس وتحطها في ذمتك

[بســ النخيـل ــق]

السلام عليكم ورحمة الله وبركاته

انا معظم أصدقائي في الاستراحة في المستشفى وفي قسم الصيدلة

وأزورهم بين حينة وأخرى عند ذهابي للمستشفى في أماكن تواجدهم

أخي الفاضل هنالك طريقين سواء في المستشفى أم كان بخارجه

طريق الصلاح ونتمنى من العلي القدير أن يجعلنا ممن يسلكونه

وطريق التنحي عن الأخلاق اللهم لا تجعلنا من أهله ، فما رأيته أخي الفاضل

ليس حكراً على المستشفى أو غيره أمامك طريقين فاسلك مايحلو لك وإرضاء الناس غاية لا تدرك

أخوك/ اخو المستعجب

[مشعل كنج]

اخي النااااايف



يشهد علي الله علي ما يكتبة قلمي ... فأنا لست بفاضي او لا املك وقلت او ان حبر قلمي

زائد ... بلعكس انا لا اقضي وقتي في الرد او المهاترات ولا ارد علي اى موضوع الا اعلم عنة..

ومستحيل ارد علي اي موضوع اجهلة او ارد حتي اجامل صاحبة او اقف معة في صفة فيما يقول ...


يشهد علي الله سبحانة .. اني احب الخير لجميع الناس قبل نفسي ... وحبر قلمي علي قد حالي

ولا املك حبر حتي انزف ما بداخلة .. وسبق وقلت لك ان بعض الناس هنا يتضايقون من المصداقية ويتضايقون من الحقيقة ...

لا تسي الضن انا كنت اتلكم عن الادراة وارجع لمواضيعي تجدني اتكلم عن الادراة ولم اضن الكادر الطبي وخصوصا اخواننا السعوديين ...


هناك اناس يحاولون ان يحبطو من معنويات شبابنا بكلامك ليست بالمقام ...

وصدقني لو تكلم علي احد الشباب هناك وقلت لة انت شكلك تضع عطور او كريمات


لسفهك ولم يرد عليك لما يسمعة كل يوم من بعض ضعفاء النفوس .. او نقول من بعض الحاقدين


وربي يشهد علي ان ناس يتكلمون ويسبون فقد من باب القهر والحسد علي ماوصلة هؤالا الشباب

وانت تعلم ان البطالة لا بحر لها ونحن في عصر العولمة والتطور .. ولا تنسي بأن حقوق المراءه علي الابواب


اخي لا اريد ان اعيد موضوع الادارة فقط ...


بس موضوع الشباب تجتاحني الغيرة ويجتاحني حب الخير لدفاع عنة بحبر قلمي الناشف


ويكون بعلم لو ذهبت لأحد المستشفيات خارج الحفر لأعلمت ان بئية وطبيعة المستشفيات


كلها سواسية .. بل ان هنا بالحفر تحكمنا بعض العادات والتقاليد عن فعل اشياء كثير يفعلها الشباب

بالمستشفيات الثااانية ....


اخي النايف لا تسي الضن فيني وبما اكتبة فسوف اسأل واحاسب امام الله تعالي


تأكد ان المصداقية والدفاع عن من يستحق الدفاع عنة هو دم ضروسي ....


وصدقني لو لم يكن الموضوع يستحق الرد لا عبرتة كما افعل في الكثير من المواضيع



اخي تأكد ان لم اسب احد او اقذغ احد الا انا متاكد مما اكتبة ومما كتبة


فأنت لست بأعلم مني بطبيعة المستشفيات وعلمها


تقبل تحياتي لك اخي النايف

[طفل سعودي]

ش[align=center]أخي / عيون الصقر

أسمح لس أن أسجل أعجابي
وتايييدي لك


ولدي تعقيب صغير على الاخ مشعل كنج

اقتباس: هل تريدهم ان يلبسو ملابس مقرفة .. ام ملابس متقطعة ...

أخي لا نطلب منهم الا التقيد بتعليمات وزير الصحه
وأضنك تعرفها جيداً

اقتباس: ام تريدهم يأتون للعمل برائحة التراب

أضنك تعرف جيداً أن العطور تسبب التهاب جرح
المريض وتتسبب في ألم مبرح له
فاين الاخلاق في هذه ...؟



تحياتي[/align]

[عابرسبيل2006]

الأخ عيون عيون الصقر كل كلمة ذكرتها صحيحة صدقني اخوي كنت ناوي اكتب عن هذا الموضوع ولكنك سبقتني اليه صدقني عندما ارى قصاتهم من قزع وغيره والمكيا ج الذي يضعونه على وجوههم استغرب من سكوت مدير المستشفى عن هذا الوضع المخزي فهذا الشئ لايليق بشاب سعودي ملتزم بعاداته وتقاليده ودينه قبل كل شئ ولكن اذا عرف السبب بطل العجب ؟؟؟؟؟؟؟؟؟؟
تقبلوا تحياتي