موقع حفر الباطن

((( ابوحمد ))) · 29-01-10, 03:32 AM

السلام عليكم ورحمة الله وبركاته

شلونكم ياهل الحفر عساكم بالف خير

انا اخوكم من الكويت وماعمري زرت الحفر وابي منكم خدمه وهذا اول موضوع لي

ابي طريق سوق الحفر لمن اخرج من جوازات الرقعي (( السالمي )) بالتفصيل

وابي احسن الاسواق الموجوده ؟؟

وموقع مطعم الطربوش ؟؟

والله يجزيه الجنه اللي يفيدني

تركي الوايلي · 29-01-10, 03:37 AM

هلابك عزيزي الكريم وحياك الله في حفر الباطن بلدك الثاني

بس ياليت تحدد وش نوعيه الاسواق اللي تبيها وان شاء الله نخدمك بالي نقدر عليه

((( ابوحمد ))) · 29-01-10, 03:40 AM

هلا اخوي تركي ماقصرت

انا ابي اودي الاهل كم يوم وموعارف الاسواق والمجمعات اللي فيها العطورات واحسن المجمعات اللي فيها ياليت تفيدني واكون شاكرلك

تركي الوايلي · 29-01-10, 03:50 AM

اقتباس:

المشاركة الأصلية كتبت بواسطة ((( ابوحمد )))


	هلا اخوي تركي ماقصرت انا ابي اودي الاهل كم يوم وموعارف الاسواق والمجمعات اللي فيها العطورات واحسن المجمعات اللي فيها ياليت تفيدني واكون شاكرلك

هلابك اخوي ابو حمد

وحياك الله انت والاهل بحفر الباطن ونحطكم فوق روسنا

بالنسبه للاسواق

يوجد اسواق مجمع ساره مول بالقرب من مستشفى الملك خالد العام

ايضا يوجد مجمع اسواق عقارية حفر الباطن ايضا بالقرب من مستشفى الملك خالد العام

ايضا يوجد مجمع سوق الخميس او المسمى (البسطه) بالقرب من خزان المياه على شارع الستين الغربي

ايضا يوجد سوق السمن وبعض الاسواق الشعبيه التي حولها وسط حفر الباطن بالقرب من فندق هوليدي ان

ايضا يوجد اسواق مجمع الفاو بجانب فندق هوليدي ان

بالنسبه لمحلات العطور

يوجد محل العلوب للعطورات وهو مشهور بحفر الباطن وهو امام فندق هوليدي ان

ايضا داخل عقارية حفر الباطن توجد محلات للعطورات بكثره

وايضا يوجد محل عطورات درعه بجانب فندق هوليدي ان

ان شاء الله اني وفقت بالشرح لك واذا توجد اضافه من احد الا عضاء ان شاء الله ماراح يبخلون عليك بالاجابه

وحياكم الله في حفر الباطن - عاصمة الربيع

((( ابوحمد ))) · 29-01-10, 03:53 AM

تسلم يالوايلي ماقصرت وفيك الخير يالغالي

تركي الوايلي · 29-01-10, 03:56 AM

ملاحظه

اخوي ابو حمد بالنسبه للمطاعم ولله الحمد المطاعم تحصلها بكل مكان بحفر الباطن يعني ماراح تبلش هههههههههههههههه يعني اكثر شيء بحفر الباطن هي المطاعم وهي انواع واشكال

وايضا لاتنسى الفنادق والشقق المفروشه هي توجد بكثرة بحفر الباطن سواء على طريق الملك عبد العزيز العام او داخل السوق وشكرا

السندباد · 29-01-10, 03:58 AM

حياك نتمنى لك أجازه سعيد في عاصمة الربيع

محمد ح.السبيعي · 29-01-10, 04:12 AM

وحياك الله انت والاهل بحفر الباطن ونحطكم فوق روسنا
بالنسبه للأسواق مثل ماتفضل أخونا تركي الوايلي
والطريق من تطلع من السالمي على طول سيده لين
ماتوصل الحفر بالسلامه أنشاء الله ثالث أشاره يمين السوق
وحياك الله .

الحب لك ياوطن · 29-01-10, 04:44 AM

اخويه الوايلي ماقصر كفى وفا وحياك بالحفر ياولد ديرتي

حمود الحربي · 29-01-10, 04:46 AM

حياك الله اخوي ابو احمد

وانت جاي بالطريق اول ماتدخل الحفر احسب اول اشارة وثاني اشارة ثالث اشارة اطلع معها يمين تلقى شقق ومطاعم واسواق كلها قدامك

ومن سأل ماضاع

واذا تبي مجمع العقارية وسارة مول

من نفس الاشارة الثالثة بس تطلع يسار واحسب من جديد اول اشارة وخلك سيدا وثاني اشارة اطلع يسار تلقة عقارية الحفر يمينك وجنبها سارة مول وترا من افضل المجمعات

اتمنى اني وفقت بالوصف

تحياتي