[align=center]قمة الحب وقمة النشوه الصراحه والصدق في التعامل بين الزوجين
على اسس الحب والتفاهم والاحترام المتبادل
البعض يبحث ان قمة الحب والنشوووه في العلاقه الجنسيه وطريقة الجماع وو و و و و.... ألخ
وانا اقول ان الحب اخلاق وتفاني وتضحيه وان نشوته الحقيقه بالتضحيه من كلا الطرفين الزوج او الزوجه
لما يكون الزوج فاهم زوجته والزوجه تفهم زوجها من نضراته وفي سكناته تداري خاطره ويداري خاطرها
لما يجي من العمل تعبان تستقبله بوجه حسن بشوش ولما تشوفه زعلان تجيه وتسأله :
ليه ياحبيبي وقرة عيني وش مزعلك او مظايقك الدنيا ماتسوى بعيوني زعلك ومن هالكلام الحلوو
انا متأكد باذن الله تعالى غير تنقلب حالته المزاجيه للافضل
وبنفس الوقت للزوجه لما تكون مهمومه ومتضايقه اجي ام العيال او الزوجه واقولها وش مضايقك ياحبيبتي
ويام عيالي يادفا انفاسي ماعاش اللي يطيق خاطرك الدنيا تظيق بعيوني لما اشوفك زعلانه
اقسم بالله غير ينشرح صدرها وترتاح وتستانس وتتغير حالتها المزاجيه
بعض الاشخاص تأخذه العزه بالاثم ويقول ليه اروح اداري خاطرها بالطقاق ماعلي منها
هذي تطبخ وتنفخ وتربي العيال وش علي منها
بعض الرجال هداتهم الله يتعبر المرأه من متاع البيت وهذا اكبر خطأ
ياخواني المرأه هي النصف الثاني وهي الراحه والسكن والخير كله
لو طبقنا التعامل النبوي الكريم والاخلاق لتحققت لنا لذه الحب ونشوته من غير نشوة الجنس
فكيف لو تجتمع النشوتين تكون هناك سعاده غامره وجنة الله على الارض
اسأل الله سبحانه ان يجمع قلوب الازواج على الخير والموده والمحبه
واعتذر عن الطاله اخواني و خير الكلام ماقل ودل [/align]