[poem=font=",6,white,normal,normal" bkcolor="black" bkimage="" border="solid,4," type=2 line=0 align=center use=ex num="0,black""]
عيدك مبارك ياجرحي وكل عام ٍ بخير =لك حق أعايدك دام أنك وفي مانسيت
من فيه غيرك ذكرني في ولا هجير=الله ما أكبر وفــاك يحق لك لاوفيت
ياجرح مالك سوى قلب العنا لك خشير=عيدك مبارك ولو تبطي معي مابريت
ياجرح هذا زمان مات فيه الضمير=ويضيع فيه الوفا وش فايده لاعطيت
خلك معي صار لك ياجرح قدر كبير=يوم ٍ أن كل ٍ جفاني ياوفي ماجفيت
تعال أنا وأنت في نفس الألم والمصير=نبي نعزي بعضنا يوم فالعيد جيت
ياجرحي الوضع متغير وجدا ً خطير=ماشفت للعيد فرحة تكتسي كل بيت
حتى الشوارع فضت من كل طفل ٍ صغير=وكن المدينة تنادي يابشر وش جنيت..!
تغير الحال ياجرحي .. ومعي أنت غير=تعال وأسكن خفوق ٍ يحضنك لابكيت
عيدك مبارك ياجرحي وكل عام ٍ بخير =لك حق أعايدك دام أنك وفي ماسليت
[/poem]