المصروف الشهري للزوجه

[ابن التعليم]

1500 ريال


حلوه ذي طيب انا راتبي 3000 ريال

ماعندي اللتزامات غيرها

الله المستعااان بس

[الجوهره]

اقتباس: المشاركة الأصلية كتبت بواسطة بطاح    عطها 500 ريال كل شهر وهي تدبر نفسها

ياشيخ قطاح اسف بطاح وش ذا القحطه 500 ريال لابعد وتدبر نفسها وين انت عايش يادافع البلاء كلفت

على نفسك والله لوهي فسحه للورعان !!!

[شــغــموم]

اقتباس: المشاركة الأصلية كتبت بواسطة تركي الوايلي    اخوي شغموم معليش انا بعارض على كلامك ويمكن هذه اول مره اعارضك على شيء الشرع ماحدد ولا قال عط الزوجه كل شهر 1500 ريال وبعدين ليه 1500 ريال لكل شهر ترى اكثر المواطنين مايملكون بنك وليست عندهم ميزانيه واكثرهم عندهم الدخل المادي ضعيف الى ضعيف جداً لكن الاكيد ان الزوج ماراح يقصر في متطلبات منزله وعائلته سواء بمصروف او غير ذلك ويكون ذلك على قدر استطاعته الماليه لكن كتحديد بالمصرف هذا مرفوض بتاتاً

والشرع ماقال عطها 500 ريال يابو نواف ...!
لكن كلامي كعرف يعني اللي راتبه 8000 ريال اعتقد 1000
الى 1500 ريال مناسب واللي أقل اكيد أقل كمصروف شخصي خاص ماله علاقة باغراض البيت ...
المهم تعطيها مصروف شخصي يكفيها ...
اما تسنتر قدامها وتقولها خوذي بسرعة اللي تبين
وانت اللي تدفع فهذا والله عيب
مرة كنت بالسوق وهو يرفع صوته وماسك له دراعة ويقول
لها : تبين هذي والا ترى ابي امشي ؟
ووالله انها كسرت خاطري ولوفيه مجال كان عطيت أمي 1000 ريال وخليتها تعطيها بس خفت من الخبل اللي معها ...!
واقسم بالله ان الحريم صابرات على اشباه الرجال وان شاء الله انهن يدخلن الجنة بسبب صبرهن وتحملهن بعض التوافه من البشر ..
الشرع يقول ان المرأة يجوز لها ن تمد يدها وتأخذمن حلال زوجها بحسب الحاجة يعني تسرق وحلال عليها وش تقول ياتركي ؟
وبعدين هذي بشر تبي تشتري على كيفها وتحس بقيمتها وتكون لها استقلالية يعني تعزم تهدي تطلب من مطعم تشتري جهاز بكيفها
لو تطير مصروفها بيوم تنتظر الله لايهينها الشهر الجاي ...!
المسألة اقتصادية بحته ووالله لو تكون خربوطية شوي لتمسك
نفسها وتسنع وتحسب الف حساب لضياع المصروف في اشياء
غير ضرورية ...

[شــغــموم]

اقتباس: المشاركة الأصلية كتبت بواسطة ابن التعليم    1500 ريال حلوه ذي طيب انا راتبي 3000 ريال ماعندي اللتزامات غيرها الله المستعااان بس

عطها على قد راتبك والمسألة نسبة وتناسب

[ابوبيان]

بالنسبة لي أعطيها 1600 ريال كل شهر وهي بكيفها ان شاء الله تحرقها

[العين بحر]

انا مع الاخ شغموم

يسلموووو

[Ƥōĭšōň]

/

مَ شآء آلله .. درر كلآمك أخ شغموم ..
في المدآخلة 18
أخآف هَـ الكلآم قول مب فعل !

آلله يهني أهلك فيك ..
صصرآحه قليل تلقى نآس عقليتهم رآقية وَ تفكيرهم توب ..
وَ فآهمين معنى الزوآج وَ المسسؤلية عدل ..

أبي أضيف مدآخلة ..
ترآ المتزوجآت مصصروفهم أكثر من آللي مب متزوجه
وَ لآزم عَ الزوج يعطيهآ مصروف يكفيهآ ..
منّ ملآبس وَ ملحقآته ..عطور وَ .. .. آلخ ..
وّهذآ كله تسويه للزوج *
وَ ذآ الأغلبية آللي مب فآهمه ..

لآ هنت عَ التعقيب ..

/

[توت الصبا]

اقتباس: المشاركة الأصلية كتبت بواسطة شــغــموم    انا اشوف 1500 ريال شهري كمصروف خاص لها يودع في حسابها يعتبر اقل مانقدمه لها ... ولو هذي شريكة الحياة ماهيب ورع كل يوم تمد يدها عطني عطني .....! حق شرعي وعرفي ولايكرمهن الا كريم وهم قلة في هذا الوقت ... عيب والله تمد يدها لخواتها وامها واخوانها وابوها وابو علابي لو تكون له علاقة غير شرعية كان صرف بالالاف ...! انا لااعمم لكن اشوف بعيوني مايحدث هناك الاجواد وهناك غيرهم وهم كثرة .

يسلم فمك الي طالعة منه مثل هالدرر
كفيت ووفيت بردك
للاسف هذا الي نشوفه على وناسته وربعه وطلعاته يصير حاتم الطائي وعلى حرمته تلاقيه مافيه ابخل منه

[الشعبان]

اقول الله يرزقهن من فضله
والله لو تعطيهن مال قاروون انهن مايقووولن مشكووور ههههع

بس الحق تعطيهن على قد مصرفهن
وشكراً ياراعي المصارف على المووضوع الطيب

[.,كاسبر.,]

موضوع جميل

وابعارض الجميع فيه مع احترامي لوجهات نظركم

فيه شي أهم من المصروف الشهري ومن المادة ومن متطلبات الحياة الأخرى

هو المودة والرحمة ,, اذا كانت موجودة بين الزوجين فهي السعادة الحقيقية

لو مايقدم لها الا خبزة يابسة

اما اذا انعدمت المودة والله لو يقدم لها وزنها ذهب ,,, ان كأنه ماقدم شي

هذه هي الحقيقة في الحياة الزوجية ...