احدث الشباب في اليوم الوطني

[دمع الظنون]

(


ماشاء الله عليكم ياشباب بدعتوا
هذي وطنيتكم
وطنيتكم في هز خصوركم أكثر من البنات وتجلسون تناقزون كأنكم جراد*
وطنيتكم في تكسير المطاعم وخويك يقولك كفو والله انك شنب*
وطنيتكم في سرقة المحلات*
وطنيتكم في التعرض للمقيمين وإيذائهم*
وطنيتكم في الذهاب للمجمعات وقلبها دعارة مابين الشباب والبنات*
وطنيتكم في تقفيل الشوارع وقطع الإشارات وتنقيز الأرصفه*
وطنيتكم لما تنشدون سارعي *
وطنيتكم برفع أصوات الأغاني والطرب*
وطنيتكم في صبغ وجيهكم وملابسكم*
وطنيتكم في التفحيط والهجولة*

للأسف كل هذا صار هالسنة في الإحتفال باليوم الوطني اللي مايعرفون الشباب ليه اصلاً محتفلين فيه
كل سنة أدمر من اللي قبلها وهالسنة بزياده ياناس مايعرفون يسوون مسيرات يروحون الكويت ياخذون كورس ويجون
والله ياجماعة ماشفنا في دول الخليج كلها تخريب وتكسير في اليوم الوطني حقهم
يمسكون مسارين ويفضون مسار للعوائل وكبار السن علشان يعدون منه وكل واحد في سيارته ماينزل منها وكل واحد يفرح بطريقته بدون تخريب
امحق وطنية اللي تعكس علينا نظرية سلبية جداً عن شباب للأسف سعوديين
وكل واحد يفتخر بهمجيته ويصور وش يقول عليك المقيم بهذه التصرفات
هل هذه رجوله في التخريب والتكسير ومخالفة الأنظمه
الوضع من سيئ إلى أسوء
اليوم الوطني موجود قبل ماينولدون هاللي جالسين يحتفلون فيه وماصار إلى قبل 3 أو 4سنوات فقط وياقلب لاتحزن لأن العام واللي قبله واللي قبله يعني الثلاث سنوات الماضية كلها كانت في رمضان وكل هالأشياء كانت تصير في رمضان ولا فيه اي حرمة للشهر الفضيل
أصفق لكم بحراره ياشباب على الوعي اللي عايشين فيه وين المطبلين للتطور والتقدم وماهمهم إلا المرأه وكيفية تجريدها من عفتها وحيائها ليه مايتكلمون عن مثل هالظواهر الغريبة
جيل كله في مدارس وكليات ومن يقودهم هم كلية التربية والتعليم وللأسف التعليم في اضمحلال وماشفنا اي تربية يعني وزارة مجرد اسم
اهنيكم على الفله اللي تسمونها فله الحين عرفت وشو معنى فله بنظركم
الأدهى والأمر مافيه اي تنظيم من المرور اللي مايعرف يلبس بدلته من جسمه الخايس بس شاطر يقط بالحجز ولا يفك الزحمه بالطلق الناري في الجو
والله جبتها مع راسك
ياخي جمعوهم في مكان معين وخلوهم يحتفلون على كيفهم بدون زحمة وعوار قلب
الواحد فينا مايفكر يطلع من بيته في هاليوم
مابي اطول عليكم وهذا الي حبت اوصله لكم؟؟؟

وياقلب لاتحزن

[علي يزيد]

اللي يعمل هذه الاشياء فهو لايخاف الله ولايحب وطنه وقيادته بل ينتهز هذه الفرصة لايذاء البشر دون خوفا من الله وعقوبته ودعاء المسلمين عليهم ماصابهم من ضرر من هؤلاء الشباب المنفلت وشكرا

[حفرنون]

يعطيك العافيه دمع الظنون على عتبك الملئ بالحزن لما وصل له الحال
وكل ماقلته يخص فيئه من المواطنين للأسف وهم فئة المراهقين هدانا وإياهم الله
ويجب لمن وضع موضوع الاحتفال باليوم الوطني ان ينظر لهذه الفئه بشكل اعمق
وفعلآ سمعت بعض الشيبان يدعي بطريقه عفويه وردة فعل لما يحصل ( الله لايعيد هاليوم )
معقوله وصل الحال بالمراهقين لما فعلوه ؟
الله يهديهم ويصلحهم

[مهندس العرب]

وطنيتنا جميعا كمسلمين ليست لبلادنا وان كان حبنا لوطننا من الدين

ولكن وطنيتنا وانتمائنا للاسلام واخلاق الاسلام


أبي الاسلام لا اب سواه اذا تفاخر الناس من عرب وعجم

[ناجي الحفراااوي]

للأسف هذا الشي يحصل في المملكه!!

المشكله ياغالي هو سوء التنظيم لهذه المسيرات وكان المفروض تكون سلميه

وليست كما شاهدناها كأنها مظاهرات!!

كان في اليوم الوطني المملكه تحتفل بحضور عدد كبير من رؤساء العالم والعلماء

الحاصلون على جوائز نوبل وغيرها من اجل افتتاح الجامعه الجديده

ليتهم شافوا الشعب مع هذه الاحتفالات الغريبه والجديده في مجتمعنا!

مانقول إلا الله يهديهم ان شاء الله.

[السهم]

الله يهديهم

[حفراوي 111]

اقتباس: المشاركة الأصلية كتبت بواسطة ناجي الحفراااوي    للأسف هذا الشي يحصل في المملكه!! المشكله ياغالي هو سوء التنظيم لهذه المسيرات وكان المفروض تكون سلميه وليست كما شاهدناها كأنها مظاهرات!! كان في اليوم الوطني المملكه تحتفل بحضور عدد كبير من رؤساء العالم والعلماء الحاصلون على جوائز نوبل وغيرها من اجل افتتاح الجامعه الجديده ليتهم شافوا الشعب مع هذه الاحتفالات الغريبه والجديده في مجتمعنا! مانقول إلا الله يهديهم ان شاء الله.

نعم الصحيح هو سوء التنظيم والشباب يريد المشاغبة بمعنى كل واحد يريد ان يفعل مايريد
وهم فئة المراهقين وليس ذلك في حفرالباطن حتى في الخبر لم تسلم المحلات والعوائل من عبث المراهقين .

[ايرباص]

انا ماأدري وش المقصد من التخريب والتكسير والفوضى اللي هم يسوونها بيوم الوطن للأسف شي محزن

[غــ 99ــريب]

الله يهديهم ان شاء الله.

[عيون الشقاوي]

طيب وش فايدة ميدان المئوية ؟؟؟
وراهم ما يفتحونوه للشباب يحتفلون بوه
ازين من تخريبهم وهبالهم الزايد