هذي قصيدة كتبتها صديقتي(أطياف) لصديقتها..
مناسبه القصيده::كانت أطياف وصديقتها أيام الثانوية العامة بفصل واحد..
وكانت أطياف تستمع يوميا لسوالف صديقتها عن خطيبها(كان بس خاطبها من غير ملكه)..
كانت تمووووووت فيه ..
وكان دااااايم يرسلها هدايا مع إخته..
نسيت أقولكم شنو يقربلها(يصير ولد عمها)!!
المهم في يوم من الأيام غابت صديقة أطياف 3 أيام وغابت معها سواليفها عن خطيبها..
فبعد 3 أيام داومت البنت وكان وجهها شااااحب مررره..
فسألتها أطياف :عسى ماشر وش فيك غايبه وأدق عليك وماتردين؟؟
صديقتها ظلت ساااااكته ولا ردت على إجابتها..
فقالت أطياف:(تبي تلطف الجو وش أخبار خطيبك؟؟)
ظلت سااااكته صديقتها ولاأجابتها..
فقالت أطياف:عسى ماشر ليكون خطيبك فيه شي؟؟
قالت صديقتها: ياليت فيه شي؟؟
قالت أطياف:اللي يشوف وجهك يقول إن خطيبك مااات!!
ردت صديقتها:ياااااليته ماااات!!(تقولها وهي ماخذتها العبره!)
قالت أطياف :وش السالفه مافهمت شي!!!!
قالت صديقتها: الزفت ملك وعرسه بعد إسبوعين!!!!!!!!!!!!!!!
سكتت أطياف ثم قالت:خلااااااص إنسيه اللي يبيعك بيعيه وهذا مايستاهلك..
بس عندي فكره خليني أكتب له قصيده (كانت أطياف شاعرة الفصل)وأرسليها مع إخته صدق إنها ماتشفي غليلك منه بس تريحك شوي..
وهذي القصيده اللي كتبتها أطياف:
ليت للحب قاضي وأشتكيك..
وأخذ معي شيوخ القبايل يشهدون..
ليه تتركني بعد ماكنت أحتريك..
مادريت إنك بتهجرني وتخون...!!
ياولد عمي قلبي في يديك...
وللأسف حطمت قلبي بالطعون..
كنت أبيك تكون في قلبي شريك..
وبعدها كل شي يالغالي يهون..
المشاعر ماهي لعبه في يديك..
والمحبه ماهي كلمه أو ظنون..
ماكتبت القصيد بتحسف عليك..
بس أبي كل المعارف يسمعون..
إنك الخسران وإني ماااااأبيك..
وإنك الغلطان ولازم يفهمون..
لو تلف الكووون غيري مايجيك..
وانت بلقى غيرك ألفين مليون!!
إعرف الإعدام من حقي عليك..
وقبلها لزوم تسكن بالسجون..
انتهى اللي بيننا ماعدت أبيك..
وامسحت آثارها دمع العيوون..
وطبعا الأخ وصلته القصيده لكن ماكان له وجه يرد عليها!!!!
وسلااااااامتكم!!