السلام عليكم ورحمة الله وبركاته
قصيدة اليوم . . .
أذكرصباها واذكر الـدرع والشـال
وأنا وهي بيـن المضـارب سهـارا
وبخنـق ضافـي وعقـد وخلخـال
ضحكاتنـا بيـن المضـارب تبـارا
نحفر ثرى أرض بها لسيـل سيّـال
نبنـي بيـوت الطيـن بـيـت ودارا
تجري وأنا أجري والبراءه لنا فـال
وإن غيّبت دمعي بالأوجـان حـارا
أبويه لها عـم وهـي بنـت رجّـال
مـن نسـل أجـواد كـرام خيـارا
نارد حياض البيـر مطويـة الجـال
بيرلنـا معهـا سـوالـف كـثـارا
وإن هل وبل الغيث صافـي وهمّـال
نسعد بخيره يوم يـروي الصحـارا
نقعد على التلّه تحـت فـيّ وظـلال
ودرب القوافـل ماشيـات قـطـارا
من حولنـا الأشجـار والزهرميّـال
والأرض من زود السحايب خضارا
وبين الدروب إلنـا مكـان ومنـزال
نلعب وطـاري الهـم ماقـط سـارا
ونراقب بـدور السمـا بدروهـلال
ليلـه بليلـه فـي مـداره مــدارا
ونشهدطلوع الشمس من فوق الأطلال
وغروبها خلـف السحـب والغبـارا
ونفرح ليـا بـدو رحايـل ورحّـال
بيـن الديـار تمـر كـل الـديـارا
وإن نوّخوا طابت رجاجيل وحـلال
نرجع على العـاده ونرفـع شعـارا
وإن صوّتت أمي نجي تو في الحـال
أنـا وهـي مثـل الكنـاري طيـارا
ثـم أمّهـا نـادت علينـا بالإقـبـال
حنانهـا ينبـوع يطفـي الـحـرارا
وجدّي يراقبنـا حكـم قـال وأمثـال
في نظرته حـب وصـلاح ووقـارا
ظلـه يظلـل يـوم تشتـد الأهـوال
شرواه لأهل العرف قصـد ومـزارا
وطعس وغـدران ورجـم وشـلال
في الذاكره من يـوم كنـا صغـارا
وبنـدق وبـارود وسيـف وخيّـال
ورجـال بالفزعـه تطايـر شـرارا
والرعد والغيمـه ورعيـان وجمـال
كن الرعد ياخـذ مـن الغيـم ثـارا
وبيت الشعر غادي مبيـت ومقيـال
تمـر ساعـات السعـاده قـصـارا
ماحـد نقـل هـم ولاضايـق البـال
واحلامنا في كيف نقضـي النهـارا
وصلوا عداد الرمل في أشهب اللال
علـى المشفّـع ساعـة الإختـبـارا
تنبيه :
(البخنق والدرع) من ملابس الأطفال عند البدو
القصيده منقوله لكمـ
وشكرا
ت
ح
ي
ا
ت
ي
اخوكمـ / abooooooooooooooooooooooood
العرض العادي
