شيروا علي بأفكار لمشاريع صغيره

[وايـ ـلـ ـ ـيه]

اقتباس: المشاركة الأصلية كتبت بواسطة تركي الوايلي    مشغل نسائي اتوقع هو الزين لك

.... يضااااف الى قائممة الاقتراحات

[HAFRAWY]

طيب معك سلف

[وايـ ـلـ ـ ـيه]

اقتباس: المشاركة الأصلية كتبت بواسطة HAFRAWY    طيب معك سلف

أبشر بسسعدك

[google الحفر]

سوي مشورع اغنام وعليك بالاقط والسمن سنتين ثلاث وعقبها تصيفين بلندن

[وايـ ـلـ ـ ـيه]

اقتباس: المشاركة الأصلية كتبت بواسطة googil الحفر    سوي مشورع اغنام وعليك بالاقط والسمن سنتين ثلاث وعقبها تصيفين بلندن

ياويلي يمممممه لا لا مستححيل
ان شاء الله اأصيف بالممريخ مابي غنمم..

[العذاب الصامت]

شوفي

عندي مشروع صغير بس ربحه ذهب

جمعي الربح مع راس المال وسوي مشروع الي تبين بعدهاا

المشروع انج تستئجرين مقصف مدرسه لحد يضحك احسبيها وشوفي

والمشروع الثاني طيري للقصيم وقبه يبون ابو ريال وابو خمسه
مبلطين بالحفر وناشبين لنا >>هذا مشاريعي دام للحين مصار لي الفرصه اني احققها

اذا اعجبتج جربي

والله يرزقج ويرزق منج ويرزقنا

[لزام]

أول شيء قبل لا أقولك رايي بصراحة فطست ضحك ع الردود

طبعا مع احترامي للجميع لكن عيب الشعب اذا شافوا مشروع ع أرض الواقع يدخل فلوس وعلية طلب يقولون هذا هو المشروع الناجح ...

اذا نجح مشروع مشغل نسائي قام بعض هواوية التجارة والربح السريع بنسخ المشروع وكثيرا بل غالبا يكون مصيرهم الفشل ...


وأنا يامحاكيك قبل 5 سنوات فتحت مشروع مطعم بالرياض كلفني ما يقارب ال300 الف ريال مع الاعلانات والايجار ..

ولكن للأسف بعد 6 شهور وضعت المطعم للتقبيل وخسرت خسارة مايعلمها الا الله وبيني وبين نفسي مااعتبرها خسارة بل درس صعب(ن) ع التلميذ نسيانة..

وكان سبب الخسارة اني كل ما شفت مطعم يدخل ذهب أقول أبي أفتح مثلة وأدخل أفضل من أرباحه..

شوفي المشاريع كثيرة تعد ولا تحصى وبما انك في بالك أكثر من مشروع نسائي يناسبك فهذا شيء جيد ليناسب طبيعتك ..

أولا قبل لاتفتحي أي مشروع أسألي عن التصاريح وكيفية استخراجها لأن ليس كل نشاط تجاري يتسخرج له تصريح بالساهل وهذي نقطة مهمة قبل لا تتوهقين بأي شيء.

دراسة الجدوى وهذا شيء مهم جدا جدا جدا وتكون من الدراسة أولا الميدانية لسلوك المستهلكين أو الزبائن وجس النبض عن تقبل المشروع ومدى الحاجة الية وخلي عنك السوالف اللي لا تودي ولاتجيب ولا تعود ع الرؤية المستقبلية للمشروع بالنفع وأقصد بالسوالف هو أنك تفتحين أي مشروع معتمدة ع حدسك ورأيك وأراء الناس ..لابد زي ما قلت تسوين دراسة ميدانية للمشروع وعن المنافسين ووش الشيء اللي ممكن أنك تتميزي فية عن المنافسين ..

ولا تفكري دائما بالارباح لاشك ان الارباح شيء أساسي ومهم لكن خلي كل تفكيرك بتدوير رأس المال بمعنى خلي همك الاساسي تكوين قاعدة لك في السوق ..

نرجع اللحين للمشروعين اللي طرحتيهم..
أولا أنا ماا قدر أفتيك بشيء أنا ما أطلعت علية وما درست خبايا المشروع فكم مشروع يظن البعض انه مربح ويدخل مالا يدخلة البترول من الارباح وهو بالاساس مشروع فااااااااشل ..

النقطة الاساسية اللي لازم تبنين عليها أفكارك هي رأس المال ع حسب فلوسك أبني طموحك..
عندك 70 الف ريال مبلغ حلو للبداية بالبزنس ولكن مو معناتة انك لازم تحطين كل ال70 الف بالمشروع وتقعدين ع الحديدة لابد من توفير ع الاقل 20% من قيمة رأس المال للأزمات حتى بالشركات الكبيرة فيه حساب اسمة حساب الازمات يعني وقت الزنقة ..هذا ماراح تحتاجينه الا بالبداية ..

مشغل نسائي مشروع ظاهريا ومن برى جميل وعلية اقبال مو طبيعي ولكن اللي يحدد نسبة النجاح من الفشل عوامل كثيرة منها أولا قبل كل شيء الديكور فنحن شعب يحب المظاهر وننظر لشكل الكوب لا لما فية..فهذي نقطة مهمة جدا..

العمالة وهذا شيء رئيسي بالمشاريع اللي تحتاج لحرفة ولا بد من اقتناء عمالة يعتمد علية حتى لو كانت رواتبهم عالية ..لأن العامل هو اساس المشروع الحرفي وهو رأس المال الحقيقي في مثل هذة المشاريع ..

النادي النسائي ايضا فكرة جيدة وعدد المنافسين في الحفر قليل جدا ...لكن الاندية النسائية تعتمد ع مفهوم الرياضة عند نساء المحافظة ..
وأنا أقولك غالبية النساء ما تفكر بالرياضة اذا راحت للنادي مثلا ..همها هو بالغالب انقاص الوزن ..
لذلك لابد انك توفرين اخصائية تغذية اذا أمكن و مدربة رياضة وأكيد توفير أجهزة التخسيس المناسبة ..
وبرأيي هذا المشروع راح يحتاج أكثر من 150 الف ريال هذا اذا بغيتي تبنين المشروع على أسس سليمة..


اسف ع الاطالة وأعذريني مااأفدتك بشكل مفصل لأن ما عندي اطلاع كامل ع المشاريع النسائية..


بالتوفيق

[جعيثن]

سوا
الناس معا تفرق معهم اهم شي الماده

[بنت الغربية]

عن تجرررررررررررررررربه تقسيط السيارات
طبعا اول شي لازم واحد من محارمك تثقين فيه توظفينه مدير لأعمالك لان الشغله يبغالها مشاوير
مبلغك حلو بس زيدي شوي واشتري سيارتين من 45 الف جديده عدادها زيرووو << اي سياره مو شرط كشخه خخ
تقسطينهم ب 55 او 60 خلال 3 سنوات
اذا كمل معك 45 الف من اقساط السيارتين على طوووول اشتري سياره ثالثه وهكذا ...الخ
عن تجربه خلال 6 او 7 سنوات تشترين كل شهر سيارتين
اذا انتي صبوووره توكلي على الله
واستثمري فلوسك بالسيارات احسن لك من المشاريع اللي مافيها غير دوووخة الراس ويمكن تخسرين بعد...
مووووفقه

[ــــہہـ♥Đřєąмς]

فتح نادي نسائي صعب جداً راح تواجهين كثييير من الي يعرقلون هالفكره واولها التصريح ما يعطونك الا بالواسطات ولو على كيفهم قفلوا اي نادي نسائي موجود بالحفر , وحده اعرفها كانت بتفتح نادي بصالونها ومارضوا يعطونها تصريح يقولون اول شي لازم من الصحه مدري ايش تثبتين ان عندك ناس متخصصه بهالمجال وبعد في اعتراض من ناحية اللبس الغير محتشم للمتدربات على حد قولهم ........ والخ

والله يوفقك ان شاء الله للي فيه الخير