نصايحكم : أبي ورشه لتصليح مكينه فورد ؟؟

[MuBaRak]

السلام عليك ورحمه الله وبركاته


قدر الله علي وخرب الفورد أولها طلع صوت وشكيت بالسير

و فكيته عند كهربائي ولا اختفى الصوت مريت ورشه التمامي وسمعته الصوت وقالو جنزير المكينه + طرمبه الزيت ما تضخ

صفتطها عند البيت وبعد كم ساعه شغلته قلت بشوف الزيت

وحصلته مخلوط بماء وقربه الرديتر مافيها ولا قطره ماء كله نازل للمكينه

ورشه التمامي يقولون ماعليك مهو توضيب

المسألة كلها في صدر المكينه بنبدل لك طرمبه الزيت ونشيك على الجنزير

ونبدل أرقام مدري رقام مدري أرقاب البلوف ضيعت اسمه بالضبط

شغل يد بــ 800 ريال

<< اخلص ياولد تقول قصه حياتك

المهم يا جماعة يا أصحاب الخبرة والتجربة وش الرأي :

وش رايكم بالسعر والورشة لأني أول مره اصلح مكينه ... ياحليل القماشات والشغل البسيط

فيه كم واحد خش بمخي يقولون لا تصلح إلا عند أتراك

تعرفون ورش مضبوطه ؟؟

[ساكن بالحفر]

خلك عند التمامي احسن ما تروح على الصناعية ويحوسونك ويدوخون لك راسك
اذا كانت على 800 شغلهم نظيف ومضبوط خاصة وان العطل في الماكينة
يعني يحتاج عناية خاصة

[ناجي الحفراااوي]

الله يعينك يامبارك دام السالفه فيها ماكينه

يبيلك ورشه تكون متخصصه بالفورد ويكون اصحابها امينين

اذكر احد الاشخاص يمدح لي ورشة الجزيره في الصناعيه بالقرب من محطة الغاطي

ولا ادري كيف شغلها ماجربته.

[الرسن]

حميد اليماني متخصص امريكي ويعلمك بكل شي وهو ناصح هكذا نحسبه والله حسيبه.
دمت بخير

[ماجستير]

الله يوفقك ووويعينك

[محمدالحسني]

ورشة الخالد خلف الغاطي بالضبط متخصصه بالفور د صارت معي وضبطوها

[فراج العضيله]

جتك الإعلانات المجانيه .

أقول يا mubarak هذا في صدر الماكينه وليس خراب الماكينه بالكامل ولله الحمد شغلها بسيط مثل ما قالك المهندس اللي إستشرته بورشة التمامي خلك عندهم أفضلك وإحمد ربك 800 بورشة معتبره ولا 1000 بورشه توديك و تجيبك .

أخوي راح للصناعيه وبهذلوه بهذله إنتبه !

[abdolla]

اذا بتصلح عند التمامي خذ ضمان ان هذا السبب .. حتى اذا حصل تصليح آخر ما يحسب عليك شغل يد ...

واللي نصحك بالأتراك صادق لكن لازم تحصل واحد خبره

انا جربت ميكانيكي الحجيلان وصلح سيارتي لكن يكوي بالسعر بشكل مبالغ فيه

فيه سوري لو تسولف معه تقول هذا ما يفهم لكنه ممتاز صلح سيارتي الفورد مونديو اللي عجزوا كل الورش عن تصليحها لكنه غير ورشته اللي كان فيها بس اعرفها ابلغك ..

[الشـامخ]

رح لورشة كوكب الجنوب بالصناعية وخطاك برقبتي ثلاثة اخوان سوريين وهذا رقم عبدالرحمن 0559668772 وان شاء الله تدعو لي بخير شغل تمام ورخص هذا اذا حصلت مكان

[&&<خالد>&&]

كل شي الا حميد لاتقرب له الموتر الا اذا كان عمر سيارتك من 20 سنه