اللـهـم انه نَزَل بك وأنت خير منزول به واصبح فقير الي رحمتك وأنت غني عن عذابه .
اللـهـم اّته برحمتك ورضاك وقه فتنه القبر وعذابه و أّته برحمتك الامن من عذابك حتي تبعثه إلي جنتك يا أرحم الراحمين .
اللـهـم انقله من مواطن الدود وضيق اللحود إلي جنات الخلود .
اللـهـم إحمه تحت الارض واستره يوم العرض ولا تخزه يوم يبعثون "يوم لا ينفع مال ولا بنون إالا من أتي الله بقلب سليم"
ابيات في عمي الغالي رحمة الله عليه / سعيد بن نافل بن فنخان العبيوي
مع ان الشعر يقف عاجز ٍ امام هيبة الرجال وشموخهم ..
[frame="7 80"]
ياقبر في جوفك من العز والجـاه=مايجعلك ياقبر تفرق عـن الغيـر
ياقبر فيك اللي قضا كـل دنيـاه=على الكرم والجود والعز والخير
رجل ٍعلى الطولات والمجد ممشاه=وعن المراجل ماتحـده معاذيـر
الدين والدنيـا جمعهـا ومرقـاه=الرجم الابلج دون شكه وتقصيـر
فيه الوفا والطيب من طيب مجناه=والجار له عنده معـزّه وتقديـر
بالصبح عامر مجلسه مثل ممساه=والعود الازرق والدلال المباهيـر
ريف ٍ على ضيفه لو الوقت عنّاه=يصبر ولا كدّر نفوس المساييـر
كريم سبـلا والتواضـع مزايـاه=عليه من حلو البشاشه تصاويـر
والنعم ياراع المواقـف وعـزاه=فرقاك دقت بالكبـود المساميـر
والموت حق وكل مخلوق يلقـاه=واللي يريده ربنا الخالق يصيـر
آمـنـت بـــك يالله يالله يالله=تلهم عيال العود صبر ٍ وتيسيـر
مرحوم يا عمّاه والحـزن معنـاه=فرقا وريث العز نسـل المناعيـر
ياكبر قدرك يابن فنخـان كبـراه=واحد وتسوى في عيوني طوابير
يالدمع حانت ساعتك يوم فرقـاه=وشلون ما نبكي زبون المخاسير
يبكيه ديوانـه ونجـره ومركـاه=ويبكيه من كفه عليهـم تباشيـر
ويبكيه من عاشر جنابه وخـاواه=ويبكيه صيت ٍ ما لفته المحاذيـر
ياما عطا المحتاج من خير يمنـاه=وعان الرفيق اللي حياته تكاديـر
يارب يامعبـود برضـاك تجـزاه=وبجنة الفردوس مع صحبة الخير[/frame]
منقوله:
من الشاعر ومدير قناة صدى الفضائيه/ عيد السعدوني
مرثيه فى الشيخ/سعيد بن نافل بن فنخان العبيوي
العرض العادي
