يا عين كفي عبرتك لاتهلين
لاينتثر دمعك همايل على ماش
اللي تبين وطول عمرك تمنين
وقلتي بلا شوفه انا ما اقدر اعتاش
خان العهد شوه طباع المحبين
واظهر بعد دعواه للحب غشاش
( مابيك من بعد المعزة تخضعين)
الا لرب الكون رزاق الادباش
خلاص كل شيء بان لا..لا تقولين
ممكن كذب والا دعاية من الواش
ما فات راح ولازم انك تناسين
خليه ياعين الشقى يظهر الجاش
مادام خانك وش بعد منه ترجين
من باعنا با الرخص بعناه ببلاش...!