عايض الظفيري مدح في شمر

[جابر السويط]

هذه مقدمة القصيده الذي القاها ابوضاري في حفل اللغيصم

بعض المعاني من ظفرها تقل موس @@@ وبعض المعاني مع قشرها صحيحه
كان العطاء عايش خذينا له دروس @@@ وكان العطاء ميت عسى الله يبيحه
يامن تحسبون العطاء مال وفلوس @@@ شمر عطوا ونفوسهم مستريحه
شمر عطاياهم عطا, تعطي نفوس @@@والناس تفخر بالعطايا الشحيحه



هذي القصيده الذي القاها بعد المقدمة


الفخر تباشر الناس بقدومه@@@والسطر تباشر الناس برجاله
والمكارم بين الاجواد مقسومه@@@والبخيت اللي من الناس يعنى له
فيه رجالن تحلاه بهدومه@@@وفيه رجالن تحلاه بأفعاله
لكن الله معطي الشمري زومه@@@زين فعل وشارته ميلة عقاله
زغرتي يابنت منتي بمحرومه@@@لأبتك شمر على العز مختاله
لابتن لافرعوا ساعه القومه@@@دنق أدناهم على الموت واركى له
والله ان الموت لامن دنا يومه@@@قلت جاه الشمري بالوعد شاله
زغرتي يابنت منتي بمليومه@@@من قصر يقصر ولومه على حاله
صبحت ربضان الافعال موسومه@@@واصبحت وديان الافعال سياله
كبرت القاله والاوضاع محسومه@@@كل ماكبرت يقولون بالقاله
من نصاهم يطوي الضيم بكمومه@@@السعد فاله وفال السعد فاله
مرتكين ومالهم بالظفر لومه@@@وين ماحط الظفر جوه خياله
المكارم لو تهيا لها نومه@@@ماتنام وعين شمر على جاله
من طعنهم كن الاقارب مسمومه@@@من صحنهم كن الاجيال شياله
من عطاهم تحسب الناس معدومه@@@كيف واحدهم عدوه رياله
الكرم لو هو يخلى بمفهومه@@@كان حط الشمري خال لعياله

[صديقي اللدود]

شاعر كبير في قبيلة تستحق ما قيل

[اللاسلكي]

يعطيك العافيه اخي جابر على نقل لنا هذه القصيده ويستاهلون ماقيل عنهم

[ريوانْ]

[align=right],’

ربعي وربعكْ ساعة الجـد ظفران ,
ولبى الظفران وذوقهم ^_^
:
الله يعطيك العافية أخونا جابر ,
وشمر قبيلة أجوادْ

,’[/align]

[المغامس]

الله يعطيك العافيه اخوي جابر

وصح لسان شاعرنا عايض الظفيري

[بلاني زماني]

مشكوووووور على هالابداع وعزالله شمر قووووول وفعل ويستاهلون الطنايا

[جابر السويط]

الله يعطيكم العافيه على المرور الجميل
(لاتعليق)يكون احيانا اجمل من لاتعليق

[زبن المرشد]

صح لسان الشاعر والناقل
شكرا اخوي الغالي جابر على النقل والنعم بشمر والظفير وكل القبايل.
اكرر شكري لك

[alfaisal]

يعطيك العافيه اخوي ونعم والله بكل القبايل اهل الطيب والكرم والجود

[المتفائل]

الله يعطيك العافيه اخوي جابر

وصح لسان شاعرنا عايض الظفيري