الفرينسي اشتهرت به قبيلة الظفير وحـــرب ومطيـــر والهواجــر واغلب القبائل بالعروس وهو يكون باقامة صفين من الرجال
وصف يقولون بيت والصف الثاني ييعيدونه وما يصاحبها من ضرب الارجل على الارض
والتقدم للامام والخلف لكلا الصفين
واليكم ابيات مختارة من قصايد الفرينسي :
يافهد غض النهد قصر القذله : جا يبشرني بها يوم سواها
قال حلوه قذلتي قلتله فله : يابعد من حط قذله وسواها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
انا شاقني في العرس مزيون : جميل على خده علامه
انا صاحبي يالي تعرفون : انا صاحبي ضبي المنامه
الا ياهل العريس تكفون : ترا ما تحملنا خصامه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
الا ياحلو زول مرني يمشي على هونه
سلب عقلي بحلو الطول يومنه تعداني
يحسب اخطاه قدامه يازين الكحل بعيونه
غزال كامل زينه عذاب الي يشوفونه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
الا يامل عينن والنظيري : ؤلذيذ النوم حلوه مادرابه
على الي بالمحبه عاف غيري : ولا ياحسرتي قلبي غدابه
________________________________
ياحسين انا عيني سهيره ماتذوق المنام : يامن يلوم العين بحباب لها غايبين
امشي ودور خيمته ياحسين بين الخيام : مدري جنوب صويحبي ولا مع المشملين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
وهناك ابيات تردد اثناء زفة المعرس وهي :
نقول اليوم مبروك عرس عمه النور : دعانا داعين له وشرفنا محله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ