رايكم بالكابرس.!

[العنزي2009]

انحش لايحوشك خل الكابرس يولي ( اذا عندك فليسات وتبي تضيعهن على الورش خذه ) والله من نزل موديل 2000 خرب كله عطال والله توني بايعه تشيلح بعد ماشيب بي والله بعته بقيمة المكينه اللي انا مركبها له

نصيحه اخ لاتوقف حتى عنده

[المونديالي18]

نصيحتي لك كمجرب للكابرس خرابه
1- مراوح قيمتها 1700 أصليات وشريتهن من الكويت بــ 1000 ريال
2- ربلة الشيال كل شهرين ابدلها بــ 450 ريال يعمل رجه لماشيت بخط
3- المكيف ماتشغله على كيفك يبيلك تقلل استخدام المكيف اذا تبي المراوح مايخربن اما اذا شغلته واجد يخرب ترى على فكره مو مثل استخدام مكيف الياباني خاصة التويوتا كامري كورولا
4- كل شوي والرديتر مهرب ويرتفع الحرارة معي بدلت طرنبة رديتر بــ 702 ريالوربلة للرديتر بــ 150 ريال مايجي كل اسبوعين الا وهو محتر بسبب تهريب الرديتر
ترى على فكره رديتر الكابرس بلاستيك وصناعته مو امريكي صناعته استرالي وهذ اللي يخليه كل شوي محتر
خلاصة الكلام ان عندي كابرس 2003 ss فل كامل والكامل وج الله أبيض وكاله فقط الصدامات مصبوغات كل اسبوعين قاط عليه دراهم للصناعيه بسبته
وتبني اقنعك خويي موظف فاك كابرس ss 2006 يشرحلي معاناته مع الكابرس خرابه
ميزته الوحيده انه على الخط يريحك ( مــر وتعـــدى واحــذر تحـــدى )
وووغذا تبي صوره لموتري الاول كابرس بعته وبخساره واشتريت كامري 2002 ابيض 4 سلندر
على ماعندي خلفية كيف اضيف صورة بتعليقي هذا أنتظر ردودكم افيدوني أنا جديد على المنتدى

[المونديالي18]

اقتباس: المشاركة الأصلية كتبت بواسطة فــارس    انحش من الامريكي وخوذ تويوتا احسن لك من الامريكي

أوافقك الراي 100% بالمية التويوتا ماركة واستخدام خاصة الــ 2001 و 2002 م

[مبسووووط]

مرحبا

بحكم اني استخدمت كابريس 2000 و 2002 و 2003

من تشووفة تعشقة وخصوصا بالخط راسي وثابت وقوي

ولكن الاعطال حدث ولا حرج ومنها :

1- القير >>> شي طبيعي يخرب معك

2- مسامير التوازن >> كل 3 شهور او 4 شهور تغيرها

3- الربلات والركب وملحقاتها غالية جدا جدا تكلفك تقريبا 2000 ريال

4- ربلات التوازن >> الوحدة 700 ريال الاصلي ( مقدمة الشاصي بالعارضة الامامية )

5- خرط هوبات وتبديل قماشات كل 3 شهور ولا تسلم من الرجفة عند البريك

6- دودة الدركسون مستطيلة وشبة انبوب >> تبهدلك في تصليحها

7- مكيف حساس جدا ويخرب ويحتاج صيانة كل صيف

8- يغريك للسرعة >> وهذا بحد ذاتة خطر ولا يحتاج شرح

9- طرمبة الماء خلال استمالك السيارة اكثر من سنة لازم تبدلها ( تخرب )


فنصيحة خذ لك فورد او ياباني

مع العلم اني استخدم كابريس 2008 ولا مقتنع فيها وخسارة اللي دفعت فيها

وبالتوفيق

[مبسووووط]

واضيف

ربلت الشيال ...
وربلت العمود


وايضا يحتاج تصفية كل 6 شهور تقريبا

[ابوبداح الحربي]

[align=center]بيض الله وجيهكم وابشركم شريت لي نيسان سفاري

واللهم لك الحمد.

وعزالله ماقصرتوا يالربع كفيتوا وفيتوا


.[/align]

[هلي99]

ظلمتو الكابرس
بالنسبة لوجهة نظري الكابرس93شيخ الأمريكي بشرط ماتاخذ لي كسرة خذ لك سعودي نظيف ومع اللي فاكه ومشيك عليه صح ويكون مامشى واجد مره مع انه إذا كان إستخدام حشمه لو يطق ال600الف مانقصت مكينته والله مايقارن بفورد2010واتحدى اي واحد ومن ناحية كل شي بس على شرطي نظيييف وسعودي
ان جيت راحه جرب واتحدى واتحدى واتحدى
ان جيت رساوه اتحدى الا مالانهاية
ان جيت قطع غيار نفسه واتحدى
ان جيت صبر ومكده اتحدى واتحدى
ان جيت توفر القطع اتحدى
ولكن كلمة الحق تنقال الفورد ميزته الوحيدة افخم خصوصا الفل
كيف نعيش بلا كابرس93