اسئلة وجود(متجدد)

[وجودعبود]

[align=center]تحياتي لك أختي أثير
كل يوم أفتح وما ألقى رد أقول عسى المانع خير
اليوم فرحت يوم شفت الرد
أنا ودي أصور طبخاتي مثلا وأنزلها بالمنتدى وودي تكون صور واضحة وراقية
بالنسبة لي أصور بجوالي ( نافيقاتور) يسمونه كذا على ما أظن
وش رايك تنصحيني أصور باللابتوب ؟؟؟
ما قد جربت
عموما أسأل الله أن يجعل لك من كل هم فرجا ومن كل ضيق مخرجا
ويسعدك في الدنيا والآخرة
ماقد قصرتي معي جعلك الجنة ومن تحبين [/align]

[اثير]

هلابك

اميييييين جزاااك الله الجنه

والله دعوتك تسوى عندي الدنيا بما فيها

امنيه ان يجمعنا الله بمن نحبهم في الدنيا والاخره

اسال الله ان يحققها




ونوع جهازك اول مره اسمع فيه

ودامك تصورين طبخه

صدقيني نوعية التصوير

ماتعتمد علي الكمره تعتمد علي يد المصور

انتي جيبي لنبه (مصباح/ اضاءه)الي تنتسمى

وحطيها بشكل مائل علي الطبق

او قريب من الشباك

واستخدمي الفلاش اذا الاضاءه مو قويه


واذا حابه انك

تحطين صورك وانا اضبطهم لك ماعندي مانع

حطي موضوع بقسم الاستفسارات

ونزلي فيه صورك

وانا اخذهم واضبطهم لك

وانزلهم بنفس الموضوع

ويصير الموضوع حلقة وصل بينا زي هنا



موفقه

[وجودعبود]

[align=center]يا ماااااال العافية
ما عمرك قصرتي يا أوخيتي
خلاص اليوم بروح أشتري اللنبة ( المصباح)خخخخ
بنص ريال وبكذا وفرت على نفسي كم ألف ريال ّّّ>>>بخيييييييلة
وهالمنتدى هو بيتي الأول ومهما تصفحت منتديات ثانية لا بد ما اشتاق لبيتي الأول
أحس فيه بالراحة والطمأنينة -- وحنينه أبدا لأول منزل_ >>> الأخت شاعرة على غفلة[/align]

[اثير]

ربي يعافيك

ولا يقصر بعمرك

وانتي وربي اخت لم تلدها امي

واحبك في الله

والي تبينه انا تحت امرك


موووفقه

[وجودعبود]

[align=center]السلام عليكم ورحمة الله وبركاته
أدري من زمان وأنا منقطعة عنكم في هالقسم >>>من حسن حظ القسم
وما سألتكم من زمان على بالي إني خلاص فهمت كل شي
وصرت أستاذة بالكمبيوتر والنت
لكن اكتشفت ان ما عندك احد وأنه لا غنى عنكم
وراح أغثكم بأسئلة جديدة

س أختي سافرت وتركت بنتها الصغيرة عندي >>> ينقالك الخالة مثل الأم
وبعد ما سافروا غثوني هي وزوجها يبون يشوفون بنتهم بالماسنجر >>طيب ليه تتركونها أصلا
المشكلة أنا جديدة على المسن
وتوني أعرف أشغل الكاميرا
لو تشوفيني إذا شغلتها كيف أحط على وجهي كيس تقولين بسجن أبو غريب >>>تخلللللللف
المهم تطلع صورة بنتهم بالكاميرا بس ثواني وبعدين تصير صورة البنت ثابتة ما تتحرك
أنا أشوفهم زين وهم ما يشوفون إلا صورة ما تتحرك
تقطعت قلوبهم على بنتهم >>من ذا وأزود
أنا قلت يمكن الأرسال عندي ضعيف >> يعني إني فاهمة
بغيت أستشيركم بس لكن أنا فاهمة كل شي لا تظنون إني ما أعرف لا أنا فاهمة زين ما زين لكن هذي استشارة بسيطة هههههههههه[/align]

[اثير]

ياهلا وغلا وجوووود

منوووره وربي لتس وحشه وشكثر

ان شاء الله ترجع اختك بالسلامه

ازين حل صوريها مقطع فديو صغير

وهي تقولهم ماما وبابا ماحبكم ليه تروحون وتخلوني

خلهم يعافون الرووحه كلها <<نذله

امزح يالغلا

من الاتصال يالغلا هالمشكله لابد مايقطع
ويوقف شووي حااولي الاتصال يكون خارج اوقات الذروه

يعني بعد الساعه 9 المساء

او الصباااح

ربي يسعدك وجوود

تحت امرك بااي وقت

[وجودعبود]

[align=center]يا بعد الدنيا والله
الله يجزاك الجنة ويوفقك على صبرك على أسئلتنا اللي ما تنتهي
بس عندي سؤال صغينون
هل اللابتوب يصور مقاطع فيديو
تكفين إذا سؤالي معروفة اجابته عند كل الناس لا تعلمين علي احد خخخخخخخخ
علشان ما يضحكون علي [/align]
[align=center] [/align]

[اثير]

هلا بك يالغلا والله مادري هل ممكن تصوير فديو او لا عن طريق الابتوب

اعتذر عن التاخير توي اشوف