أبيات أتمنى تليق بمشاعركم ،،وهي من قلمي..✍🏻
.
.
دنياي هذي ياما فيها أعاجيب
الحق ضايع والزمن بإختلافي
لقيت انا كبش الغنم ياكل الذيب
والثعل شايخ والذيابه تخافي
والبوم يسكن عاليات المراقيب
والحر من بين النخل مايشافي
بعض العرب جنب طريق المواجيب
والحسد صار بكل ديره عوافي
زاد النفاق وزاد هرج الأكاذيب
وراحت وعود ماعليها حسافي
يالله ترحمنا قبل يكثر الشيب
قل المطر والقاع فيها جفافي
البر موحش والليالي لواهيب
تبدلت خضر الأراضي بسافي
رتبت انا شعري على الكيف ترتيب
يومه عجبني بالشعر والقوافي
ياصاحبي،،لاتلتفت للمكاتيب
رزق البشر مكتوب لا..لا تخافي
شعر..
فلاح عشوي العنزي