.
كيبورديه
الحب يا بنت العرب له دلايل
...........................اما نعيشه حزن والا سعاده
ماهو على كيفك؟؟ يبيله فعايل
.......................اللي زرعتي به نصيبك حصاده
وان كان فعلك عكس ما بالرسايل
......................خلك بعيد! الحب ؟؟ يبغى عباده
من يسلك دروبه يشيل الثقايل
.....................ومن يصبر لحمله يحصل مراده
المجتهد يكسب جميع الجمايل
.........................وترا البليد اللي يضيع وداده
ولا فات وقتك ما تفيد الوسايل
...................كم واحد(ن) حظه يسوق القراده
لاصار دربك بالهوى حيل مايل
........................المعذره والعذر فيه الإفاده
قلبي فداوي ما يهاب الهوايل
...................من يفهمه يكسب سعادة فؤاده
وانا من الواقع نقشت المثايل
...................والحق واضح ما يبيله شهاده
اما يجي شوقك كما السيل سايل
.............وتصير لي مرهم جروحي وضماده
والا بشب النار بين القبايل
.................واذب روحي لين تصبح سماده
عبدالله سعيد الشمري ( صدى ضامي )
.
العرض العادي
