[align=center]البارحه مابين همي والاوراق ... جر القلم طاروق حزنن يسليه.
واسترسلت ابيات شعري من اعماق ... الموقف اللي مر وازريت اعديه.
موعد لقاء مبني على نية فراق ... كان الاخير وضيق الصدر طاريه .
ولاهي غريبه لو اقول الصدر ضاق ... لكن الاغرب كيف ماودعه فيه.
كانت دموعه تختنق بين الاحداق ... ونضرات عيني تقتله ثم تحييه.
كني جلست اعلمه كيف يشتاق ... وكنه يعلم شعري شلون يرثيه.
شح الزمن بموادعه والمساء ساق ... حزن القصايد والعتب والمشاريه.
ياليل والله ماوراء ليلك اشراق ... النور عانه يسحبه في خطاويه.
عشاق قلي ايش او ليش عشاق ... الاضحايا وقت مدري شسميه .
يقطع سنين العشق يادرب الاشواق ... ياليت بيدي شي واقدر اسويه.[/align]