كلنا نتضرر من هذه الظواهر السلبية
وبعضنا يمارس هذه الظواهر السلبية
ويعلم بأنه يضر الآخرين بأفعاله السلبية
طلب من المرور
فعلا الطريق يحتاج لضبط مروري وأمني
أتمنى تواجد دوريات المرور والشرطة السرية على مدار الساعة في هالطريق
إن طريق الملك فهد بحي السليمانية (خط الشمال) يئن ويوووووون
الكدادين حبايبنا يترزقون الله لكن لاتجعل من رزقك الذي رزقك الله اياه ضرر للآخرين بمخالفتك الذوق والأدب وآداب الطريق (البعض لايعرف ماهي آداب الطريق ويسمي طريق الخدمة مخرج ولامانع بإغلاقه بسيارته والسوالف مع أصحابه بحجة أنه مخرج ويمكن فعل مايحلو له)
تعكس السير
تغلق السير
تجلس ربع ساعة تسولف مع خويك الكداد والا غيره والناس تدعي عليك وتلعنك
والشاحنات والدينات تعكس وتزاحم السيارات بتوقفها على الطريق
وبعض الشاحنات والباصات تصطدم الاعمدة وتمشي كأنه حلالهم ولا حق الدولة وملك للشعب السعودي
بعض الباصات مهجورة ومرمية
وش أقول وش أخلي
طلب من البلدية
القيام بدوريات من قبل المراقبين في الطريق وبكل محافظتنا اتركو النوم والجلسة تحركو جزاكم الله خير
تذكرون طريق الملك عبد العزيز قبل تطويره؟
كان فيه رصيف وكان فيه طريق خدمة
ياليت تسون نفس طريق الملك عبد العزيز بطريق الملك فهد
يعني تشيلون الخدمة نهائيا بكل المحافظة
لأنه الخدمة ماوراها غير الازدحام وعكس السير واقفال السير وعوار الرأس والحوادث
وإذا كلامي فيه غلط صححو لي وعلموني وذكروني لأني أخوكم المسلم السعودي