~نضِيقْ بَهآلزٍمَـن ضيِقـة وٍلآنَـذرٍفْ دُمـوٍعَ شِهَـآقْ ..~ ●
ألا ياليل قلهـآ لي علام الكون فيني ضاق
علامه مارحم دمعي وأنا واقف على بابه
تـفـيـق حظوظ خلق الله وأنا حظي مـآ بعد فاق
سهرت بليلي المظلم أفسر لهفة المشتاق
طلبت الهم يخاصمني لقيت إني من أحبابه
لقيت إن الزمن ظالم مثل موج البحر غراق
رماني في متاهاته وسكّر دوني أبوابه
كفاية يا زمان التيه كفاية لعبة الأشواق
كفاية ليه ماترحم شبعنا هموم طلابة
شبعنا من الزمن ضيقة وصرنا للفرح عشاق
يذوقنا مراره دوم علينا يرمي أسبابه
عزيز النفس بالدنيا يعيش بهم ماينطاق
وذليل النفس يارب خطاه الهم ولا صابه
ولكن لو يطول الوقت وينثر همه الحرّاق
يجي يوم من الأيام وكلن ياخذ حسابه
نضيق بهالزمن ضيقة ولانذرف دموع شهاق
نضيق ونصبر ونكسر زمان طالت أنيابه
أنا أدري مانهاب الموت ولاحتى نهاب فراق
نهاب الخالق الواحد ونرضى بكل ماجابه
أعيش أصبر على البلوى ولو هالكون فيني ضاق
أعيش الذيب في عمري ولا أرضى فوقي ذيابه
مما راق لي
العرض العادي
