انقطاع محلول الجفاف للاطفال من صيدليات حفر الباطن

نواف التويجري · 08-12-10, 03:14 AM

صباح الخير للجميع
ابني عمره سنتين ونصف
يعاني من نزلة معوية
بصراحة صار لي اكثر من ساعتين وانا افرفر على صيدليات الحفر ولا لقيت محلول الجفاف اللي زي المغذي بس يشرب
رحت لمستشفى نور خان واعطاه الدكتور وصفة طبية
شراب للتقئ ومحلول للجفاف
علاج التقئ لقيته بس المحلول مالقيته
وبصراحة فريت كل صيدليات الحفر ولا لقيته
اللي يعرف صيدلية عندها العلاج اكيد يوصفها لي يالربع
لكن اللي عنده علم بالعلاج ذا يقول لنا ين القاه اقصد المحلول
نفسي اعرف ليه الصيدليات ماتوفر هذا العلاج وهم عارفين ان الناس والاطفال يحتاجونه بهالوقت

تركي الوايلي · 08-12-10, 03:02 PM

اخوي ابو سامي الله يشفي ابنك يارب

والنزله المعويه طبيعيه تحصل للاطفال بفصل الشتاء وكذلك القيء

وبالنسبه للمحلول تحصله بصيدلية مستشفى الملك خالد العام

وشوف صيدلية النهدي اتوقع عندهم هذا المحلول وكذلك صيدلية الدواء

ومايشوف شر ابنك

عزوزالحفر · 08-12-10, 06:04 PM

ما يشوف شر ولدك

انا قبل شوي واصل من الشرقيه

لاكن ولد عمي على الساعه 10 يمشي مناك

أبي أتصل فيه يشوف لك هالمحلول حق الجفاف

أسمه كذا محلول الجفاف أو له اسم الطبي

نواف التويجري · 09-12-10, 01:54 AM

اقتباس:

المشاركة الأصلية كتبت بواسطة تركي الوايلي


	اخوي ابو سامي الله يشفي ابنك يارب والنزله المعويه طبيعيه تحصل للاطفال بفصل الشتاء وكذلك القيء وبالنسبه للمحلول تحصله بصيدلية مستشفى الملك خالد العام وشوف صيدلية النهدي اتوقع عندهم هذا المحلول وكذلك صيدلية الدواء ومايشوف شر ابنك

شكر لك
مستشفى الملك خالد ما يعطيك علاج الا لازم يكون وصفة من دكتور مستشفى الملك خالد وانت اعرف مني بانسانية مستشفى الملك والله لا يعقونا ندور واسطات وحب خشوم على اساس محلول مع انه مو متوفر
وانا علاجي على حسابي الخاص ومستحيل اتعالج بمسشفى الملك خالد نظرا لاهماله وعدم تشخيص الحالات بدقة
اما الصيدليات اللي ذكرتها مالقيته فيها فريت من امس مالقيت

نواف التويجري · 09-12-10, 01:58 AM

اقتباس:

المشاركة الأصلية كتبت بواسطة عزوزالحفر


	ما يشوف شر ولدك انا قبل شوي واصل من الشرقيه لاكن ولد عمي على الساعه 10 يمشي مناك أبي أتصل فيه يشوف لك هالمحلول حق الجفاف أسمه كذا محلول الجفاف أو له اسم الطبي

تسلم ماتقصر والله
بالنسبة للمحلول طلبته من الرياض من اخوي يشوفه لي وان شاء الله يجيبه
الف شكرا لك مع لاسف الشديد اننا بدولة غنية وعاجز انك تلقى علاج بسيط مثل هذا المحلول
شكرا لك ماتقصر

احساس دمعه · 09-12-10, 11:22 AM

ما يشوف شر ولدك
معليش اخوي عط ولدك مويه معدينه بكثره لين يتوفر المحلول الله يشفيه يارب...
شوف الصيدليلات اللي ع الستين...

هاوك · 09-12-10, 11:55 AM

اكثر له السوائل ومو شرط المحلول

نواف التويجري · 09-12-10, 11:57 AM

اقتباس:

المشاركة الأصلية كتبت بواسطة احساس دمعه


	ما يشوف شر ولدك معليش اخوي عط ولدك مويه معدينه بكثره لين يتوفر المحلول الله يشفيه يارب... شوف الصيدليلات اللي ع الستين...

تم وصول المحلول ولله الحمد شكرا لك
مع اني عطيته قبلها حمية ساعدت قبل وصول المحلول على شفاءه ولله الحمد

مـهـ MAHA · 11-12-10, 03:12 AM

مايشوف شـر ,,

خذ له كوب سفن أب مع ملعقه نشاء

المحلول احس زي قلته بعض الاطفال ماينفع معهم

حاول تبعده عن الزبادي ترا ماينفع مع النزلات المعويه

وخل أمه تسوي له مهلبيه بس لايأكلها بارده تثقل معدته

ومايشوف شر