يالله تعديها على خير وتصيب؟

[بن عباد]

يالله تعديها على خير و .. [ تصيب ]
من حدنى .. أكتب خماله و / عيبه
يبغى الصراحه مابها .. شك او ريب
بَ أقولها و الناس كلن و .. [ طيبه ]
الحر ما ينفع بليا .. ( مخاليب )
و .. العقل للرجّال ..زينه و هيبه
و السالفة .. ماهى بلحيه / مواجيب
كلن على ( طبعه يجيبه حليبه )

بعض المنابت بالمراجل .. / عذاريب
و بعض المنابت للمراجل .. خصيبه
رجلن يبى طاريه عند الاشانيب
ورجلن يبى طاريه عند .. ( الحبيبه )
و رجلن / يودى بالسواليف و يجيب
و رجلن سواليفه ( لفعله تجيبه )
ورجلن يغض الطرف عن جارة صحيب
و رجلن عيونة فى .. ( محارم صحيبه )
ورجلن يغيب و يفقدونه هل الطيب
و رجلن ليامن غاب .. / ماحدن دريبه
و رجلن تشوف بخوته لك مكاسيب
و رجلن تشوف بخوته لك غليبه
و رجلن اذا اخطى يرى نفسه مصيب
و رجلن اذا اخطى يراها .. / مصيبه
قلت الصراحه ما بها شك او ريب
كلن على ( طبعه يجيبه حليبه )
اشره وشرّه كان تبغى المواجيب
عط حق تاخذ حق مابة ( معيبه )

[تمرد الإحسآس]

/


و رجلن اذا اخطى يرى نفسه مصيب
و رجلن اذا اخطى يراها .. / مصيبه


جميل جداً

وفقك الله .


/

.

[الفرايد]

صحح لسانك

ابداع وجزاله

[الذيب الوايلي]

قمة الابدااااااااااع

قمة الابدااااااااااااااااااااع صح السانك


وكما عهدناك شاعرنا الغالي لاياتي الا بالجزل

شكرا

[Ƥōĭšōň]

صصح لسآنك ي خوي ~

رآئع جداً .. و رآق لي كثيراً

لآهنت ي بعدي ~

[سعد الظفيري]

الاخ بن عباد
القصيدة تنسب لابن خالي مشعل التيمان الذراعي الظفيري
الرجاء من باب الاحترام احترام حقوق الاخرين ولا تنسب قصيدة لا تقوى على كتابتها
وعلى فكره ابو بدر مشعل دهيم التيمان الذراعي الظفيري شاعر غني عن التعريف وهو من مثل قبيلة الظفير في النسخة الخامسة لشاعر المليون 0
نداء لك يابن عابد كتابة رد واعتذار لأخي وصديقي وابن خالي مشعل دهيم الان وبدون تردد وتأخير
أخوكم سعد التيمان الظفيري

[ريم النواااظر]

؛
الأخ:سعدالظفيري
بالرجوع.للقصيده.والبحث.عنها.في.مواقع
اخري.اتضح.لي.انها.تخص.الشاعر:مشعل.الظفيري
وربما.هو.خطأغير.مقصود.من.الاخ.ابن.عباد
لعلنا/نحسن الظن بالآخرين حتي نسمع افادته
ومن هنا اقدم لك الاعتذار بصفتي.مشرفة.القسم
عن الخطأ الذي وقع به الاخ /ابن عباد
وتنقل.القصيده.لقسم.القصائد.المنقوله
بالاحتفاظ.بكل.الردود.والمشاركات
ِ

[سعد الظفيري]

رجاء من الأخت ريم النواظر ابتعدي قليلا عن الموضوع لحين اعتذار الشاعر الفلته قصد
بن عباد وليكن عبره لغيره .
منتظر رده هو لا احد سواه.

[غيرووطبعك]

سعد الطفيري

كنك جاي تبي تهاوش

اللتزم الأدب ويكفيك اعتذار مشرفة الأدب

ونحنٰ هُنا في ميدان فكر وأدب

حتى يعود بن عباد تتضح الرؤيا

كُن يابخيرياشعر...؟

[سعد الظفيري]

غيروو طبعك
شاعركم الفلته ناسب ألقصيده لم يلتزم با الأمانة العلمية وانتم من شجعتموه على ذلك
يقول قصائد غيره وانتم تثنون علية لاحظ الردود .
وبعدين نحن في ميدان سرقه حقوق
أنا اطالب بحق ابن خالي فقط
لزوم يعتذر اللي مسمى نفسه شاعر ولا يكفيني اعتذار المشرفة ولا اعتذارك ورجاء لا تتدخل فيما لا يعنيك