مساء الخير ....
اذكر قبل بالحارة وحنا نلعب كورة حافين واصابعنا مقلمة من كثر مانشوت الارض والكورة صايرة مربعة من البطاء عندنا كان أكبر همنا افلام كرتون وببسي وسنكرس ودبابات اذا حصل لنا بعد الشحذة المستمرة وواسطة الامهات والترزز قدام شيبانا بالمسجد يعني عاقلين وعلشان مايردون لنا
طلب كان من في عمري لايتعدى التفكير هذا حتى وصلنا الى الثانوية العامة وتطورنا شوي
بلاستيشن ومرات في مقاهي النت ومرتين رحت للشيشة يعني رايح لمكان كشخة ومغير جو ...!!
لم يخطر في بالي وانا ارافق أمي احياناً الى السوق ان يتعدى تفكيري النظر في ماعند ابو ريال وريالين وابو عشرة من الكور والملابس الرياضية حتى عرفت انني على نياتي يوم شفت قبل أمس واحد من عيال الحارة عمره 17 سنة وهو يترزز في اسواق ساره ولابس كنادر بيض وغتره بيضاء تقول في عرض الفرق الاولومبية ..!! يطارد أحد الفتيات حتى انه ماستحى مني وانا اشوفه والرجال يتمايل في مشيته ويرومش عيونه ويبتسم ولااشوف احد قال نكته لكن يمكن يبي يوريها سنونه الصفر ...!!
عرفت انني بريء جداً يوم كنت في عمره وليته هو الوحيد اللي شفته من صغار السن في الاسواق
ذاك اليوم لاوالله غيره العشرات لكن ماعرفهم ،، الغريب انهم لاحياء ولاخوف واذا كانوا بهذه الاساليب على صغر سنهم فماذا تتوقعون منهم غداً ...؟؟
نسيت اقولكم ان ولد حارتنا ابيض على ابيض يبي يرقع الموقف وقرب يبي يسلم عليّ والتفت لامي وبصوت عالي قلت : يمه هذا ولد لولوه يغازل بالسوق والتفت له ولاادري وين راح ...!!
امس مرني بالسيارة ولاسلم فقلت في نفسي ماطاح من النجوم أخف للسماء ...!!
شغموم وبراءة الاطفال ...!!!
العرض العادي
